1 Kor. 4:1 - Sumi Naga CL (Re-edited) Bible (BSI)

¹ Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

BAIBEL (BSI)

¹ Nonguye ningu kughapesu Khristo khopemi eno Alhou wu tuqhoutsa peithakutsumi kepi ningu ithulu kepue.

Sümi Tiqhelimi Bible

¹ Tishiaye, nongu ye hitoi ningu ikhilu kepue: tiye Khristo qemiqo toi eno Alhou no paw tuqhou pephe-piyeve keu pichebeve kemiqo toi ikhilu kepu ke.

1 Kor. 4:1 Iomraidhean Croise

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

Mark 4:11

Pa no panoqo vilo pi, “Alhou yekipe tuqhou ithi penike nongu tsüvae, ikemu khalau akemi ghengu ye thokha kimghikipiye lono pikepu shi ani,

Luke 1:2

ti ye hukuthu lono thopimi eno Atsa sheshumi no ningu lau pikiye süghitsü keu pasü lono ke.

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

Luke 8:10

pa no pi, “Nongu ye Alhou yekipe tuqhou ithi penike tsüvae, ikemu kütami ghengu ye kimghikipiye lono ke, tishianguno ‘panongu no ithulu animu ithikuthu monani, eno chilu animu vethamla nani.’

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

1 Kor. 2:7

Ikemu ningu no Alhouw tuqhou eno küsü püakeu lokütsü picheni, ti ye mulhou no Alhou no ningu juküvüpu ghenguno kughuve tsüke.

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

1 Kor. 4:13

ningu thaigha aye nino akümtsha shi khochile cheni. Ningu ye ayeghiqha ghapheu, eno timiqow tübatüzü xukupuu shivae eno shianie.

1 Kor. 4:2

Eno jukükütsümi ye pükhükulumi shimasae.

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

2 Kor. 12:6

I no qhezani shiaye, ni ye küghüzümi shivemo nani, kughengu ni ye kuchou tsa pi nani; ikemu I no süchileve cheni, tishianguno khuu pelomu ni ithulu chekeu momu I ghili chilu chekeu nguno alau kümsü penishi moke.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

2 Kor. 6:4

ikemu Alhou qemi kehu alaghi thokha lo ningu ampi no kichekipiye shicheni: aghime lo, akijiksapu lo, amhekiqi lo shishe puqhekulu shicheni,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Ephesiami 6:19

I ghengu ghi inikhu tsüalo, tishianguno Alhou no I kichi xükho tsüno atsa I tsü eno mtotoi shi tuqhou tsakiviu pikülhalu peni,

Kolosiami 2:2

tishianguno panongu mlo shikumtolu, kikimiye lo ghoküqha luno Alhouw tuqhou kighithi, ti ye Khristo, thebei eno kupukuno shi ithikuthulu penie.

Kolosiami 4:3

Tipau gholono ni ghengu ghi inikhu tsülo, tishianguno atsakiviu ghenguno Alhou no ni lau ahukikha khaqhi tsüno Khristow tuqhou pesü sheshulu peni, hi ghenguno ni ye akughu shi ani.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

1 Tim. 3:6

Pa ye anileshi Khristo chineye lukemi shimoni, tikumo aye pa ye aqheküza lono kumobeive no tüghami gholo küghaküthapu lo ikiqive nani.

1 Tim. 3:9

Panongu ye hi tuqhou küpülü, akükümsü tsüghükhüi shino tsüqüpe masa.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

1 Peter 4:10

Milakhikhi no Alhouw küpükini gho ithulu püake toi, tipaqo peitha kithimi shino lakhino lakhi huthu kilelo: