1 Kor. 3:13 - Sumi Naga CL (Re-edited) Bible (BSI)

¹³ pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

BAIBEL (BSI)

¹³ Timi lakhikhi kumla asachu kemokeno piyeni aphi, tiye Khristo ipeghikeu Tsalanino tipau pephepiye nani, kughengu tipa Tsalaniye ami gholono ipeghi nani eno milakhi khino kiutoikeu kumla mla puaghi nikeno asachu kemokeno amino ghu puzu kimchitsu nani.

Sümi Tiqhelimi Bible

¹³ tiye kiu keno panongu kümlà vechewo pìye nani, kughengu tipau Tsalá lono aküvü lo saipeghive nani. Tiye ami gholo no pephe-piye nani, eno ami no timi lakhi-khi kümlà meküa pitiju nani.

1 Kor. 3:13 Iomraidhean Croise

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

JEREMIYA 23:29

I tsa ye ami toike, eno ayihesü no atuqu amuno shi hephove keu toike kumo? ipi Ampeu no sheshu.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

Luke 2:35

tishikeu lono kutomo mlo lo xapu achekeu pephe piye nani, (eno nou ye, azütakikihi no o mlo chuxutsü nani).”

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

1 Kor. 3:12

Khuana no ameshoyi, ghükayi, akughupu tu, asü, atsüni, aghijini pesü aboqha hipau shou shipuku püaghi namu

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:18

Tipa tsala lo pa pelo Ampeu launo küpükini ithulu peniu! Pa no Ephesus lo akümla kivi thokha shi keqo nono akivishi ithi ani.

2 Tim. 3:9

Ikemu panongu ye khitohi mu wumla nani, kughengu hu pama shou kishive keno, titoi timi kümtsü lau hipaqo ghüzü piye nani.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

IBRIMI 10:25

timi khami toi shimono ningu ye kuho kumqo chekeu kughuchove moni, ikemu Atsala kupunu woche keu nongu no ithulu ani kehu ningu alaushi lakhino lakhi shikumtoni nolo.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.