1 Kor. 3:10 - Sumi Naga CL (Re-edited) Bible (BSI)

¹⁰ Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.

BAIBEL (BSI)

¹⁰ Alhou no kupukini itsukeu peitha puzu aki kishimi shitsami lakhi toi shieno ino aboqha hu qhawoke, ikemu kutamino tipau shou shipuku ani. Pututano paye tipau shou kishi shipuku nikeno jukutokupuyi masakeu ani.

Sümi Tiqhelimi Bible

¹⁰ Alhou no küpükini I tsüpüa keu vechewo ni ye aki kishimi alokütsümi lakhi toi aboqha qhapüa tsü ani, ikelo ye kütami khami no tipau shou aki shipuku anie. Ikemu khukhumu aboqha hipau shou shipukuni aye, kutokughoi moayesa nani.

1 Kor. 3:10 Iomraidhean Croise

YEKIKITHI AKINIU 2:12

Hiram no highi pi, “Atsütsü eno ayeghi lhokeu Ampeu Alhou sheqhelo, kughengu Pa no alokütsü nu pesü shiye kuloghi shou ka penike David tsüe. Khuu tsükhüi eno shitsa keno, pa no Ampeu chineki eno pa kükaki shiniye kuto anie.

IPEKULU 36:4

ikehu akümla shikithimi khunoqo no akimtheki lo akümla jeli shi akeno, panongu kümtsü ighi, milakhikhi no pütüta no mla akeu pasü lono ighi,

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

AHOLE 9:1

Alokütsü no li ki shiqhe; li no atsükucho tsüni mlae.

YETSAPIU 12:9

Alokütsü shikeu gholono Yetsapiu no no tsaqütsalei aholetsa huju, phikutho, eno pekithipe akighithi timiqo tsüe.

DANIEL 12:3

Khunono alokütsümi keno panongu ye atsütsü lo aqhi küvü toi vü nani; eno khunono timi kutomo pelo amikucho lo tsüghü ighilupe cheni keno panongu ye alholo eno pülhapuju ayepuqo toi vü nani.

ZEKHARIA 4:9

“Zerubbabel u no aki hipau aboqha qhavae; pa u no itaghi hipau kishekha nani. Tileno aqokitikhi Mpeu no nongu lau I puwu kepi nongu no ithi nani.

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

MATTHEW 7:24

“Tishiaye khukhumu I tsa hipaqo chilu no pekupulu keu ye alokütsümi lakhi no atu shou pa ki shiqhe keu toike.

Luke 11:35

Tighenguno kutokupui lo, tikumo aye o lolo aküvü akeu ye zümoive nosae.

Luke 21:8

Pa no khochile, “Nongu saküghüzüve pemoni ke jukutolo. Kughengu kutomo no I je lono ighi no pi nani, ‘Ni ye Pa ke!’ eno, ‘Ado huye ighivae!’ Panongu papewu kevilo.

Apostolmi 18:27

Kughou pa no Achaia lo wunishi keu pi keno, küpülümi no pa shikumto eno pa ikhilu tsü penike akhopemi lau yesü yetsü. Pa no ighi kelo khunoqo küpükini vecheo pülülu keno, tipaqo shishe kuphu tsü,

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

Rommi 15:15

Ikemu akimji tsa hami loye nongu ghutu kithe ghi ni ye süchile mono mtotoi yevae, kughengu Alhou no küpükini I tsükeu ye

Rommi 15:20

eno hi ghenguno atsakiviu pesü khilehi Khristo je chimla aphi keno tilau pikülhani keu no I kimjie, tikumo aye ni ye kütami no abo qhave keu shou mlapuku lunosa ke.

1 Kor. 3:11

Kughengu aboqha khikhi qhave akeno, ti ye Jisü Khristo ke, tinguno alau ye kütau boqha khunomu qhamlae.

1 Kor. 9:2

I no kütami lau apostolmi kumo namu nongu lau likhimu ni ye apostolmi ke, kughengu nongu no ni ye Ampeuw apostolmi kepi keu michipu ke.

2 Kor. 10:15

Ningu ye aqü kiyeve ghi kütami no ichheime mla püakeu lo qheza chemoe. Ikemu nongu küpülü no thuwu keu gholono nino nongu gholo mla kepu lughi ghi shishe pekholu peni keu no niw lajupu ke,

Ephesiami 2:20

Nongu ye apostolmi ngo tungkupmi no aboqha ghotsü keu lono shiqhe puku keu kiae, Khristo Jisü ampi no atsükupu tuqu shino

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

Kolosiami 4:17

Archippus vilo pilo, “Akümlapu khikhi Ampeu launo ithulu keno no ye shikupu tsü masae.”

1 Thes. 3:2

eno nongu küpülü kughuko tsüno hakiteni ke ningu no ni thiküzüu Timothy, Khristo tsakiviu shekushu lo mlaküqha chekeu nongu lau puwu,

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

2 Tim. 2:15

Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

James 3:1

I thiküzümiqo, nongu kutomo no shikükami shikepu kumoe, kughengu nongu no ithi anike ningu khunoqo no shika cheni keno, ningu shou pachi küghathabe nani.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

2 Peter 3:15

Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,

Piyeküsü 21:14

Aphughi liwo ye aboqha tu chighikini shou shipuku püa, eno tipaqo lo aje chighikini yepüa, ti ye Ambetiw apostolmi chighikini je ke.

Piyeküsü 21:19

Aphughi liwo boqha ye akughupu tu jeli kümtsü pesü shipüa. Atüghüu no jasper, akiniu no sapphire, aküthüu no agate, abidiu no emerald,