1 Kor. 15:54 - Sumi Naga CL (Re-edited) Bible (BSI)

⁵⁴ Kughou tsümave kepu phimpi no tsümamoni keu pepuve, eno thiveni keu phimpi no thimoni keu pepuveni keno, tileno ishi yepüakeu kipitsa shikupu nani: “Tokulu no akithi munovae.”

BAIBEL (BSI)

⁵⁴ Kughou tsu-mavekepu huno tsu-mave mlakepu pepuve eno thivenikuau huno thivemla kepu pepuve nikeno, tilehino kuchoyesulo ishi pipuakeu tsa kupu nani: “Tokuluno akithi munovae!”

Sümi Tiqhelimi Bible

⁵⁴ Kughou tsümave nikeu no khilemu tsümavemo nikeu küzüluve eno thive nikeu no khilemu thivemo nikeu küzüluveni keno, tipathiu küghakiche tsa yèpüa keu ye kuchou shive nani: “Tokulu no akithí munovae.”

1 Kor. 15:54 Iomraidhean Croise

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

Luke 20:36

Kughengu panongu ye xüchilekulu tianuli akeke kungumi eno Alhou nuliqo sasü aphiphiae, ikehu panongu ye thimoae.

Rommi 1:23

eno thimoni keu Lhou juküvü theli lo thiveni keu timi, ashi-aghau, momu itikiche lhoxü julho kimihiqou sasü küsükilive.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 6:12

Tighenguno axine pelo nonguw thiveni keu phimpi qhasüpe ashi ghakiqipu shini keu gholu auvepe kevilo.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

2 Kor. 4:11

Kughengu Jisü ghenguno alhokuthu ni küxü ye akithipu lo ikhiphetsü acheni, tishianguno pa küxü ghi ni phimpi lo ithulu peniye ke.

2 Kor. 5:4

Kughengu nino hipa phiki lo ake thaqhü loye amakho xapu igha acheni—ti ye ayeghi lo phimpi pheve nishi kelauno kumoe, ikemu kungughalo phimpi alau pepunishi kelauno ke, tishikeu lono akithipu huye aküxüpu no munove peniye ke.

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”