1 Kor. 14:6 - Sumi Naga CL (Re-edited) Bible (BSI)

⁶ Tishiaye athiküzümiqo, I no nongu lau amilikithe tsa pisü ighi no nongu vilo piyeküsü, akighithi, tungkuptsa, momu akükütsütsa hami pimo aye, ni ye kishi nongu vehupu shiluni kea?

BAIBEL (BSI)

⁶ Tishiaye athikuzumiqo, ino nongu lau ighikelo amilikithe tsa kutauno nongu putsa aye niye nongu vehupu kiu shiluni kya? Niye Alhou no ikhiphe piyevekeu hami, akighithi hami, tungkuputsa hami momu kutsukepu hami ishi nongu lau sughinike kumoaye, kutauye kiumu nongu vehupu shimla nanike.

Sümi Tiqhelimi Bible

⁶ Athiküzümi eno achelimiqo, I no nongu lau ighino amili kithé lono pinamu I no nongu lau piyeküsü momu akighithi momu tungkuptsa momu kichekütsü tsa kiuala süghilumo aye ni ye nongu ghenguno kiu alá shilu nani kea?

1 Kor. 14:6 Iomraidhean Croise

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

MATTHEW 16:26

Timi lakhi no ayeghiqha kümtsü paw shive namu pa küxü pühave aye pa ghenguno kiu ala ani kea? Momu timi ye pa küxü theli lo kiu pesü tsülu nani kea?

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

1 Kor. 14:1

Kikimiye phulo, eno amlo tsüqhiyi aghungulo gho lajulo, akhoto no tungkuptsa pinike amlo tsülo.

1 Kor. 14:7

Aküxü küküha thime fulili ngo akighilebo toikeqo ghi mtsümishei küighamo aye, kiu küigha ani keno kütami ye kishino michi luni kea?

2 Kor. 11:6

Ni ye atsapi lo shitsa shi aghimo namu akighithi loye tishimoe; kuchou no alaghi jeli eno thokha lono nino nongu lau pekiphe shi piyevae.

2 Kor. 12:1

Ni ye aqheküza tsa pini aphi. Tino kiumu ala shimla kemu ni ye Ampeuw kungunhetsü ngo piyeküsü ghili pini aphi.

2 Kor. 12:7

Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 3:4

Nongu no hi philu kelo I no Khristow tuqhou jupililu akeu vethailo tolu nani.

FILIPIAMI 3:15

Ningu khunoqo aküpülü lo tekhoive akeno hitoi kümsü kepue; eno nongu no kütau kiuala kümsü aghimu tighi Alhou no nongu lau pephe piye nani.

2 Tim. 2:14

Panongu vilo hipau pesü ghutulo, Alhou zülono panoqo vilo atsa pesü kighekile kevilo pi azah tsülo. Ti ye akivipu kiumu shimlae ikemu ini akemi shipüsani keu likhie.

2 Tim. 3:10

Ikemu no ye hipaqo lo I pape luvae: Iw shiküka, ghushoghili, I küxü kimji, I küpülü, Iw kutuukulu, I kikimiye, I no ithamo keu,

2 Tim. 3:16

Kuchoyesü kümtsü Alhou no müzüphe tsüe, ti ye kuchou shiküka lo, sakiyi keu lo, shikithekütsü lo eno amikucho qokiphe kümtsü lo peithalu nani,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

2 Peter 1:5

Hi ghenguno, tolukivi thaqhü pükapütsa no nongu küpülü gholo xükipivi pesü veqabelo, eno xükipivi gholo akighithi pesü veqalo,

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

2 John 1:9

Khuu no Khristo kükütsü lo kumono pa la kütashi wuveni keno, Alhou ye pa gholo kühae. Khukhumu Khristo kükütsü lo kimepe aghi keu ye Apu eno Anu kinikujo ani.

SAMUEL ATUGHIU 12:21

Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.