1 Kor. 12:3 - Sumi Naga CL (Re-edited) Bible (BSI)

³ Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

BAIBEL (BSI)

³ Tighenguno ino nongu pelo hi ithipenishi akeuno timi khumu Alhou Ghungu no sache puzu, “Jisu ye musuiniveake!” ipi khilemu pimo nani eno khunomu Aghungu Kimthe no sachemo aye, “Jisu ye Ampeu ke,” ipi piphetsumo nani.

Sümi Tiqhelimi Bible

³ Tighenguno I no nongu pelo ithi penishi akeu ye khukhumu Alhou Ghungu vechewo piche kemi ye, “Jisü ye müsüinivea,” kepi pimo nani, eno Aghungu Kimthe vechewo likhi no kumo aye khunomu, “Jisü ye Ampeu,” kepi pimla nani.

1 Kor. 12:3 Iomraidhean Croise

LESHELE 109:20

Khunono I lachile ngukube ghi kixikila tsa pi keno tipaqo lau hino Ampeu launo ighikeu saxü shipelo!

MATTHEW 22:43

Tile pa no pi, “Imaye kushiye David ye Aghungu lono pa vilo Ampeu ipi kea? David no pike,

Mark 9:39

Ikemu Jisü no pi, “Pa lakha kevilo, kughengu khunomu I je lono itehi akümzapu kümla shi apüzü kutou ye I shou atsa lhoksa pipuku monani.

John 13:13

Nongu no I vilo Shikükau eno Ampeu ipi kucheni, eno ti ye achipi, kughengu ni ye tihuke.

John 13:14

Imaye ni, nongu Mpeu eno nongu Kükütsüu no nongu pukhu qhutsü aye, nongu ghi lakhino lakhi pukhu qhutsü kepue.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

Apostolmi 8:37

Philip no pi, “O mlo kuchopu no pülü aghi aye, no ye tishilu nani.” Pa no khochile, “Jisü Khristo ye Alhou Nu kepi I no pülü ani.”

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

Rommi 9:3

Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

2 Kor. 11:4

Kughengu khuana no ighi püzü nino nongu vilo pikülhave keu nguno kütau Jisü pikülha, nongu no aghungu ikhiluve keu nguno kütau ghungu ikhilu, momu nongu no atsakiviu ikhiluve keu nguno kütau tsakiviu ikhilu aye, nongu ye mlalei tipaqo gholo ilovae!

2 Kor. 3:5

Ningu ampi no ningu ye hi shikulupu anie pi pükha amoe, ikemu nino shikulupu akeu ye Alhou launo ke,

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

ZAKINIU 21:23

pa kumo ye puthotsü tishi asübo lo qhimoni, ikemu tipa tsalani no pa shiqhoveni, kughengu tshüqhive keu timi ye Alhou no müsüinivae. Ampeu no nongu mheghi shitsü akeu yeghi tino shipüthave moni.

Piyeküsü 1:10

Ampeu Tsalani I no Aghungu lono kuposhu akeloye I thiu afuko toi asütsa lakhi no vekipighi pikeu chilu,