1 Kor. 1:6 - Sumi Naga CL (Re-edited) Bible (BSI)

⁶ ti ye Khristo ghili pesü ashepe shikeu nongu gholo mtotoilu ke—

BAIBEL (BSI)

⁶ tiye Khristo ghili pesu ashepe shikeu nongu gholo mutotoi alupekehuke.

Sümi Tiqhelimi Bible

⁶ Hipau vechewo Alhou no ningu pelo nongu gholo Khristo’w thopi shi akeu shikumto tsü ani.

1 Kor. 1:6 Iomraidhean Croise

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

Apostolmi 11:17

Tishiaye Ampeu Jisü Khristo pülülu kelo ningu tsüke toi, Alhou no agho aphiphi pesü panoqo tsükeu lo ni ye khuue pi I no Alhou laghi hakhani kea?”

Apostolmi 11:21

Ampeu küka no pano gholo ae; eno timi kutomo no pülü luno Ampeu lau ighive.

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Apostolmi 22:18

eno pa no I vilo pikeu ithulu, ‘Mtazü Jerusalem lono ipeve lo, kughengu nono I shepe shikeu panongu ye ikhilu tsümo nani.’

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

2 Kor. 12:12

Kuchou apostolmie pikeu michipu pephe ghi nongu gholo kutuokutuu amchipu ngo akümzapu eno akichiqhipu kümla shipüani.

Galatiami 3:5

Khuu no Aghungu nongu tsü eno nongu gholo akümzapu kümlaqo shi keno pa ye Ayezah lono keo aküpülü vecheo chikulu lono kea?

2 Thes. 1:10

tipa tsalani Ampeu no Paw akimthemi zülo ajekipi eno Pa küpülümi gholo agigihu ithuluni ke ighi kelono tishi nani. Hile nongu ghi süküqha ani, kughengu nongu no ni shepe pülüe.

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

Piyeküsü 1:2

ikehu John no Alhou tsape eno Jisü Khristo shepekishi ithulu keu kümtsü pesü ashepe shitsü ani.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.

Piyeküsü 12:17

Tileno dragon ye atotiu jupe axuideve no li polo kughukomi khunono Alhou zakütsü pecheni eno Jisü shepe shicheni keno kümtsü sasü aghü shiniye wuve.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 6:9

Kughou Ambeti no michida apunguu xükho keno, Alhou Tsa eno tipau shepekishi ghenguno ghiqhive kemi ghunguqo akümlla kiptia qholo aghikeu I no ithulu.