1 Kor. 1:10 - Sumi Naga CL (Re-edited) Bible (BSI)

¹⁰ Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

BAIBEL (BSI)

¹⁰ Athikuzumiqo niMpeu Jisu Khristo kuka akeu vechewo ino nongu qhuiniju anike, nongu kumtsuno kuptsa kuqhalulo eno nongu gholo kijethakile keu apekevilo; ikemu akukumsulo eno kughathalu keulo aphiphishi kuqhakulu shilo.

Sümi Tiqhelimi Bible

¹⁰ Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

1 Kor. 1:10 Iomraidhean Croise

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

MATTHEW 9:16

Khunomu aphi kithe pesü aphimini qalo tsüghu puku chemoe, kughengu aphi kithe no ichi ilo kelo aqau sünhekütsü, eno atsüghu la lono alau ixüve cheni.

Mark 2:21

Khunomu aphi kithe pesü aphimini qa lo tsüghuda chemoe. Tishi aye, aphi kithe no ichi-ilo kelo aqau ghi sünhekütsü luve no tiuno alhoksau shi ixüve nani.

Mark 3:24

Kükaqha lakhi dolono laumi shi kijethave aye, kükaqha tipau ye puthugho lumoae.

John 10:19

Atsa hipaqo ghenguno Jewmi dolo itaghi kijetha ipeghive.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

John 7:43

Ikehu pa ghenguno timiqo dolo amqo kijetha ipeghive.

John 9:16

Phariseemi khami no pi, “Timi hipau ye Alhou launo ighimoe kughengu pa ye Sabbath yezah hebide ke.” Ikemu kütami no pi, “Axinemi lakhi ye kishino amchipu hipaqo shiluni kea?” Eno panoqo dolo kijetha ipeghive.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

Rommi 15:30

Athiküzümiqo, ni Mpeu Jisü Khristo eno Aghungu kikimiye vecheo I no hakite ani: I no aghimeküsa shi akelo nongu kighini lono I züqhushi Alhou lau khu tsülo;

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

1 Kor. 1:11

Kughengu I thiküzümiqo, nongu dolo mtomshu anie pi Chloe no bolomi no I vilo pivae.

1 Kor. 11:18

Atüghüshi, kughou nongu no kuhoni keno nongu gholo kijethakile akeu I no chiluvae; eno tile kuchou hami aghi nani,

1 Kor. 12:25

tishianguno aphimpi lo kijetha keu kühano aphiauqo pelo aphiphi shi lakhino lakhi tuchokile peniye ke.

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

1 Kor. 4:16

Ikehu I toi shilopi I no nongu hakite ani.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

2 Kor. 13:9

Kughou nino miqemlei anamu nongu no mtotoi ani keno, ningu ye alovi cheni. Nongu pelo kupukülailu peni keu no ni kighini ke.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 4:12

Athiküzümiqo, I no nongu hakite ani, I toi shilo, kughengu ni ghi nongu toi shike. Nongu ye I lau akumou shi püamoe.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

1 Thes. 5:13

eno pano kümla ghenguno kikimiye lono agigihu akiqheu tsülo. Nongu dolo külakishi lono xülo.

2 Thes. 2:1

Ni Mpeu Jisü Khristo ikighi eno ningu no Pa gholo kumqoni keu vehulo nino nongu qhüiniju ani athiküzümiqo,

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

JOSHUA 22:15

Panongu no Gilead yeghi lo Reubenmi, Gadmi eno Manasseh shiaye tüxa lau ighi no pi,

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.