1 John 5:6 - Sumi Naga CL (Re-edited) Bible (BSI)

⁶ Hi ye, Khuu azü eno aji pesü ighi keno—Jisü Khristo huke; azü likhimu kumo ikemu azü eno aji kinikujo ke. Eno Aghungu no kuchou kepi ashepe shitsü, kughengu Aghungu ye kuchou huke.

BAIBEL (BSI)

⁶ Jisu Khristo ye azu ngo ahji lono ighikeuke, azulo likhino kumoe ikemu azu ngo ahji kini kujo lono ke. Hiye Aghungu no kuchou kepi ashepe shiani, kughengu Aghungu ye kuchouke.

Sümi Tiqhelimi Bible

⁶ Azü eno ajì vechewo ighi keu ye hipau ke—tiye Jisü Khristo ke. Pa ye azü vechewo likhi no ighike kumoe, ikemu azü eno ajì vechewo ighike. Eno Aghungu hu no thopi shi acheni, kughengu Aghungu ye kuchou ke.

1 John 5:6 Iomraidhean Croise

EZEKEL 36:25

I no nongu shou azü kimthe küzüte puku nani eno nongu ye now mithekumo kümtsü lono mqhamqhive nani, eno nongu julho kümtsü lono I no nongu shikimtheve nani.

ACHINE 17:11

Kughengu aküxü ye aji lo ani, eno tino akiptia lono timiqo xine lovetsü penike I no azah shitsüe, aji huno timi xine tha-lovetsü cheni.

ZEKHARIA 9:11

Iw puloshoqhi ji nongu sasü shikeu ghenguno I no azü kühakeu qokutho lono now akughumi khaqhi pheni.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

MATTHEW 3:16

Kughou Jisü baptiz shitsü keno, paikhavi pa no azü lono ithughi kemtsa, julo, atsütsü pa lau khaqhitsü, eno miqhedu no yewu chekeshi Alhou Ghungu iqighi no pa shou ngove keu pa no ithulu;

Mark 14:24

Pa no panoqo vilo pi, “Hi ye kutomo ghenguno peleve niye puloshoqhi shikeu I ji ke.

Luke 22:20

Titoi panongu no chuve kethiu pa no ajukhu ikhilu no pi, “Ajukhu hipau nongu ghenguno peleve tsü akeu ye I ji lono puloshoqhi kithe shi akeu ke.

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

John 3:5

Jisü no khochile, “Kuchou no I no o vilo piani, milakhi no azü eno Aghungu lono punu kithemo keloye Alhou yekipe lo ilomlae.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 6:55

Kughengu I shi eno I ji no kuchou chuqu-kusho ke.

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Kolosiami 1:4

kughengu nongu küpülü Khristo Jisü lau akeu, eno küpülümi kümtsü ghenguno kikimiye akeu ningu no chiluvae,

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

IBRIMI 10:29

Tishiaye, khuu no Alhou Nu nedaqoda, pa shikimthe tsükeu puloshoqhi ji shipütha, eno küpükini Ghungu thaighani keno, timi tipau ye kishi aghime alhoksa ithulu nani keno nongu ye kümsü juama?

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 9:7

ikemu akiniu bocho loye achinetou likhino ampe lo ghuthu lakhi likhi iloche, tighi pa ampi ghenguno eno timiqo kümtha xine ghenguno aji pemo keloye ilo chemoe.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 4:10

Kikimiye ye hipau lo ani: ningu no Alhou kimiye ke kumono Pa no ningu kimiye eno Pa Nu pesü ni ghenguno axine kümllagho shive penike puwue.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.