1 John 5:16 - Sumi Naga CL (Re-edited) Bible (BSI)

¹⁶ Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.

BAIBEL (BSI)

¹⁶ Nongu gholo khualano pa thikuzumi lakhino thimokepu xine shiaghikeu ithulu aye, nono Alhou vilo khulo, eno khunoqo xineno akithipu kumokeno Alhou no akuxupu pesu pa tsu nani. Akithipu xine acheni, eno niye nongu vilo tipau ghenguno Alhou vilo inikhu lopi piamoe.

Sümi Tiqhelimi Bible

¹⁶ Tsalá nongu no athiküzümi momu achelimi khuala no akithipu lo sawuvemo kepu xiné shive keu ithulu aye, nongu ye akighini shi moayesa eno Alhou no aküxü panongu tsü nani. Ni ye axiné khipaqo no akithipu lo sawuve chemo keno tipaqo pi anike. Akithipu lo sawuve chekeu xiné lakhi ani. Ni ye nongu vilo tipau ghenguno akighini shilo pi anike kumoe.

1 John 5:16 Iomraidhean Croise

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

JEREMIYA 11:14

“Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 14:11

Ampeu no I vilo pi, “Timi hipaqo kivipu ghenguno inikhu kevilo.

JEREMIYA 7:16

“No ye timi hipaqo ghenguno inikhu kevi, momu ighamku pano züqhushi qhüiniju kevilo, kughengu Ni ye o kighini chilu tsümo nani.

EZEKEL 22:30

Khuu no putukha keu tupikiye shiqhe puku eno ayeghi ileqive keu lo I zülo puthugholu nani keno I no phuju, tishianguno tipau kütsa moni ye ke, ikemu Ni ye khumu phumlae.

AKIKIHI 12:13

Ikehu Moses no Ampeu lau ighamku pi, “O Alhou, kimiyeno li shipivi tsülo, kimiye tsülo.”

AKIKIHI 15:30

Ikemu khuu no püthapütsano axine shiveni keno Israelmi na inaghami namu, pa ye Ampeu hebidevae, tighenguno timi tipau ye aqo gholono kileve lo.

Luke 12:10

Khukhumu Timi Nu küla atsa pikeu ye akipimi qhivetsü nani, ikemu Aghungu Kimthe thaighave keu ye akipimi qhitsümo nani.

John 17:9

Ni ye panoqo ghenguno inikhu ani. Ni ye ayeghiqha ghenguno inikhu amoe ikemu Nono I tsüve kemi ghenguno inikhu ani, kughengu panongu ye Ow ake.

2 Tim. 4:14

Ayikiyiqiu Alexander no ighono I kijipüsae; Ampeu no pa kümla kiqi lono tsüchile nani.

1 John 5:17

Akumou kümla kümtsü axine ke, ikemu akithipu lo sailo chemo keu xine ghi acheni.

SAMUEL ATUGHIU 12:19

Timi kümtsü no Samuel vilo pi, “O qemiqo ghenguno Ampeu o Lhou lau inikhu tsülo, tishianguno ningu ye thimo nani, kughengu ningu no akükau khu keu lono nino ni xine shou küsakügha hipau küphavae.”

SAMUEL ATUGHIU 2:25

Tsala milakhi no lakhiu lau axine shive aye, Alhou no pa ghenguno alaki kipiu shitsü cheni, ikemu khuana no Ampeu lau axine shive aye, khuu no pa ghenguno alaki shitsüni kea?” Ikemu pama no apu tsa ini tsümove, kughengu pama shou akithi süghini keu ye Ampeu pulou shiveke.