1 John 5:14 - Sumi Naga CL (Re-edited) Bible (BSI)

¹⁴ Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.

BAIBEL (BSI)

¹⁴ Ninguye Alhou zulo amlo kuloghi shikulupu ani, kughengu ninguno pa pulou kiqi lono kiukiumu khuaye Alhou no tipau chilutsu cheni.

Sümi Tiqhelimi Bible

¹⁴ Alhou lau ighilu achekeu lo ningu ye pülükibe hipau ani: tiye ningu no pa pulou kiqi lono kiu-kiumu khu aye, pa no chilutsü cheni.

1 John 5:14 Iomraidhean Croise

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

JOB 34:28

pano ghenguno kumlhomi no ighamku Pa lau wu kelo Pa no aghimemi ghügha chilu tsüe.

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 31:22

I kichiqhi kelau no I no pi, “Ni ye O zülono hapheve kemie.” Ikemu kughou I no akukuphu ghenguno O lau ighamku keno küpüqhiyi tsü penike I no qhüiniju keu sütsa Nono chilu tsüe.

LESHELE 34:17

Kughou amikuchomi no kuphu penike ighamku keno, Ampeu no chilu no aküküpna kümtsü lono xaphelu cheni.

LESHELE 69:33

Kughengu Ampeu no aveküsami tsa ini tsü cheni eno Paw timi akughumi jukünathave chemoe.

AHOLE 10:24

Kixikilami no kiu msa cheni keno pano shou ighi nani, ikemu amikuchomi ye pano no laju chekeu ithulu nani.

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

John 11:42

No ye alhokuthu I tsa initsü cheni kepi I no ithi ani, ikemu I no hi pi akeu ye timi hile puthugho akeqo pelo Nono I puwue pi pülülu peniye ke.”

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

John 16:24

Itehi kutolo nongu ye I je lono kiumu khumphie. Khulo, eno nongu no ithulu nani, tishianguno nongu lokivi ye chhitoilu nani.

John 9:31

Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

Ephesiami 3:12

pa laumi shikeu eno pa lau aküpülü akeu vecheo ningu ye ighümo no amlo kumtoshi Pa zülo wulu cheni.

IBRIMI 10:35

Tighenguno nongu mlo kuloghi shilo, tino ajume kije süghi cheni.

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

James 4:3

Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani