1 John 5:13 - Sumi Naga CL (Re-edited) Bible (BSI)

¹³ Nongu khunono Alhou Nu jelo pülübelu keu lono lhokta küxü anani pi ithinishi cheni keno, ni ye nongu lau hipaqo ye ani.

BAIBEL (BSI)

¹³ Nongu Alhou Nu pulu kemi lau ino hipau yelu ani, tishianguno nonguye lhokta kuxu anikepi ithipe niyeke.

Sümi Tiqhelimi Bible

¹³ Ni ye nongu khunoqo no Alhou Nu je shou pülü cheni keno nongu lau thime hipaqo yè ani, tishianguno nongu pelo nongu ye lhokta küxü ani kepi ithi peniye ke.

1 John 5:13 Iomraidhean Croise

John 1:12

Ikemu khunono Pa ikhilu, Pa je lono pülülu keno, panoqo pelo Alhou nuli shilupe kepu chipiu Pa no tsüe,

John 2:23

Hechekulu Ghulhu lo Jisü no Jerusalem lo akelo, kutomo no pa no amchipu kümla kiu shi akeno ithulupe pa lau pülübe.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 21:24

Akhopeu hipau no hi kümtsü thopi shiani, eno hi kümtsü yepe qhitsüe, eno pa shepe ye kuchou kepi ningu no ithi ani.

John 3:18

Khukhumu Pa pülü keu ye küghathabe movae; ikemu Pa pülümo kemi ye küghatha bevae, kughengu Pa no Alhou Nu lakhi likhi akeu pülübe moke.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

Apostolmi 3:16

Eno pa je pülülu keu vecheo timi hi, khuu nongu no ithulu eno ithi ani keno, akumto tsüe, eno Jisü vecheo aküpülü huno nongu kümtsü zülono timi hipau phimpi shipivivae.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

2 Kor. 5:1

Kughengu nino ithi akeu no tsala ayeghi lo ni kungo phiki huno shipüsave namu ningu ye au no shimokeu, lhokta atsütsü lo achekeu ki Alhou lau ani.

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 John 1:4

Ikehu ningu lolo alokivi akeu kupukülailu peniye nino hipaqo yelu ani.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.

1 John 2:21

Nongu no kuchou ithi moke ghenguno kumoe, ikemu ithi ani kehu, eno akimki ye kuchou launo ighi chemo kehu ni ye nongu lau hipau yelu ani.

1 John 2:25

Eno hi ye Khristo no ningu lau piqhikeu shoqhi—lhokta küxü huke.

1 John 2:26

Khunono nongu pishiqhini ke pükapütsa ani keno ni ye panoqo ghili pesü nongu lau yelu ani.

1 John 3:23

Pa zakütsü ye hike: ningu ye Pa Nu Jisü Khristo jelo pülübe eno Pa no aza ningu tsüve ketoi lakhino lakhi kimiye kile masae

1 John 4:9

Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

1 John 5:11

Ashepe ye hike: Alhou no lhokta küxü pesü ningu tsü, eno aküxü hipau ye Pa Nu lau ani.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.