1 John 4:6 - Sumi Naga CL (Re-edited) Bible (BSI)

⁶ Ikemu ningu ye Alhou laumi ke. Khunono Alhou ithi ani keno ni tsapi initsü cheni; eno khunono Alhou laumi kumo keno ni tsapi initsü chemoe. Hipau lono ningu no Kuchou Ghungu eno kichileu ghungu michilu cheni.

BAIBEL (BSI)

⁶ Ikemu ninguye Alhou laumike. Khunono Alhou ithitoi anikeno nino pikeu ini cheni eno khunono Alhou laumi kumokeno nino pikeu ini chemoe. Kuchou Ghungu eno kichileu ghungu kuma dolo kutuqu akeu hipau lono ninguno ithi cheni.

Sümi Tiqhelimi Bible

⁶ Ningu ye Alhou lau no ighike, eno khukhumu Alhou ithi kemi ye ningu tsa ini acheni; ikemu khukhumu Alhou lau no ighimo kemi ye ningu tsa ini chemoe. Hitoi ningu ye kuchou Ghungu eno kichileu ghungu kimchilu cheni.

1 John 4:6 Iomraidhean Croise

YEKIKITHI AKINIU 18:21

Aghawu no khochile, ‘I no wuno paw tungkupmi kümtsü kichi lo akimki ghungu süve tsüni.’ Pa no pi, ‘No ye pa ghozü no tolu masae; wuno tishilo.’

ISAIAH 29:10

Kughengu Ampeu no züchei keu ghungu nongu shou pukuvae, nongu tungkupmi nhethi kiyikhave tsüno nongu kütsü nhave tsüae.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

HOSIYA 4:12

Iw timiqo no asü tachu launo kighinikile jucheni, eno panongu qheküsü no tungkuptsa pitsü cheni. Kughengu asalha ghawu no panongu saküghüzüve ake, eno panongu ye kütüqha aniye pano Lhou phevae.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

MICAH 3:8

Ikemu I ghengu ye, Ampeu Ghungu küka eno kuchou xakütha ngo akumto no I shepichhipe ani, ti ye Jacob vilo paw hekibide eno Israel vilo pa xine piniye ke.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 10:3

Khagho kheu no pa khaqhisü cheni. Ambeqo no pa sütsa chilu cheni eno pa no pa mbeqo aje pi ghi kucheni eno khalau sawu cheni.

John 13:20

Kuchou no I no nongu vilo piani, khunono I no puwu keu ikhiluni keno ni ikhilu ani, eno khunono ni ikhiluni keno, I puwu keu ikhilu ani.”

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 15:26

“Ikemu kughou I no Apu launo puwu keu Akukuphuu ighini keno, Kuchou Ghungu, Apu launo ipeghi keu, huno I shepe shitsü nani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 20:21

Jisü no itaghi panongu vilo pi, “Nongu gholo aloino keu alo. Apu no I puwu ketoi ni ghi nongu puwu ani.”

John 8:19

Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

John 8:23

Pa no panoqo vilo pi, “Nongu ye aqhou no ighi, ikemu ni ye kunguu no ighi. Nongu ye hipa yeghi lomie, ikemu ni ye kumoe.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

Rommi 11:8

ti ye ishi yepüake toive, “Alhou no mamaike ghungu pesü panoqo tsüve kehu ishi kutolo panongu ye ithukulupu nhethi eno chikulupu kini puchemoe.”

1 Kor. 14:37

Khuana no pa ye tungkupmi, momu aghungu lomi kepi kümsü aghi aye, pa ye I no nongu lau kiu yepuwu ani keno ti ye Ampeu no azah tsüe pi ithi masae.

2 Kor. 10:7

Nongu zülo kiu ani keno julo. Nongu gholo khuana no pa ye Khristow kepi thebei aghi aye, pa no Khristow kehutoi ningu ghi kepi pa ampi no pa ghutulu pelo.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

1 John 4:8

Khunono kimiye chemo keno Alhou ithi chemoe; kughengu Alhou ye kimiyekiniu ke.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Jude 1:17

Ikemu kimiye chekeqo, nongu ye ni Mpeu Jisü Khristow apostolmi no pichhotsü keqo kümsüchile lulo.