1 John 4:17 - Sumi Naga CL (Re-edited) Bible (BSI)

¹⁷ Hipa ghola lono kikimiye ye ningu lolo kupukülailu cheni, tishianguno ningu ye küghakütha tsala ghenguno amlo kuloghi shilu nani, kughengu ayeghiqha zülo ningu ye Khristo kimihi shilu masae.

BAIBEL (BSI)

¹⁷ Hipau lono kikimiye nilolo shikupuluvae tishianguno kughakuthapu Tsalalo ninguye amlo kuloghi shilupe niyeke, kughengu Khristo no ayeghilo kishi akeno ninguye titoi acheni.

Sümi Tiqhelimi Bible

¹⁷ Ningu pelo küghakütha tsalà lo pülüqhiyilu penike ghenguno ningu gholo kikimiye ye hitoi kupukülailu cheni: Hipau yeghi lo ningu ye Jisü toi acheni ke.

1 John 4:17 Iomraidhean Croise

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

MATTHEW 10:25

Akhopeu ye pa kükütsüu kimihi shilu keu no lukümkhae, tihutoi aqüaxeu ghi tishike. Timiqo no akibo mpeu vilo Beelzebul ipi kucheni aye, pa kibolomi kütami vilou ye kishi aje küsa tsünani kelae.

MATTHEW 11:22

Ikemu I no nongu vilo piani, küghakütha tsala lo Tyre ngo Sidon no nongu nguno aghimepu mthüthei puqhelu nani.

MATTHEW 11:24

Ikemu I no nongu vilo piani, küghakütha tsala lo Sodom yeghi no nongu nguno aghime puqhekulupu shinani.”

MATTHEW 12:36

I no nongu vilo piani, küghakütha tsala lo kümtsü no kutokupui mono pive keu tsa ghenguno kihikülai tsümasa nani,

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

John 17:22

Nono ajuküvü I tsükeu I no panoqo tsüvae, tishianguno nikujo no lakhi ketoi panongu ghi lakhi shipeni,

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

James 2:22

Nono ithulu anino pa küpülü ye pa kümla gholono mla ae eno pa kümla vecheo aküpülü shikupu tsüe;

2 Peter 2:9

ikehu Ampeu ye puju-peju keu lono Pa ithi kemi kishi xaphelu kepu keno ithi cheni, eno küghakütha tsala tomoke kutolo amikucho kumomi pesü ghimeni keu ithi cheni,

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

1 John 2:5

ikemu khunono Pa tsa peluni keno, kuchou no Alhou kikimiye ye pa launo kupukülailu cheni. Hipau vecheo ningu ye Alhou küdau ani kepi ithilu nani:

1 John 2:6

khuu no pa ye Alhou laumi ipini keno pa ye Jisü no cheche keu laghi lo chewu kepue.

1 John 3:1

Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.

1 John 4:12

Timi khunomu Alhou ithulu mphi; ikemu ningu no lakhino lakhi kimiye kile aye, Alhou ye ningu lolo ani eno Paw kikimiye no ni lolo kupukülailu ani.