1 John 3:22 - Sumi Naga CL (Re-edited) Bible (BSI)

²² eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.

BAIBEL (BSI)

²² Ninguno pa vilo kiukiumu khukeu ninguno ithulu cheni, kughengu ninguno pano ahza tsukeu pelu cheni eno pa pulou shi cheni.

Sümi Tiqhelimi Bible

²² eno ningu no kiu-kiumu khu kelo pa lau no ithulu nani, kughengu ningu no pa zakütsüqo pelu cheni eno kiu no pa pulou keno tishi cheni ke.

1 John 3:22 Iomraidhean Croise

JOB 22:26

Kughengu no ye Akughushuu lau o züküvü auve nani eno teqhitelei o gi peqhelu nani.

LESHELE 10:17

O Ampeu, Nono aghimemi kighini chilu tsü cheni; Nono pano mlo shikumto tsü, O kini kugho puwotsü nani,

LESHELE 34:4

I no Ampeu phuighi kelo Pa no I khochile eno I kümsa kümtsü lono I xaphelue.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 21:22

Eno nongu no akighini lono kiu kiumu khu kelo, nongu no aküpülü aghi aye ithulu nani.”

Mark 11:24

Tighenguno I no nongu vilo piani, nongu no kiu kiumu akighini lono khu kelo, ti ithuluvae pi pülülo, tishi aye ti ye ow shilu nani.

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 15:7

Nongu no I gholo kimepe eno I tsa no nongu lolo aye, nongu no kiu pulo keno khulo, eno nongu ghenguno tipau shitsü nani.

John 6:29

Jisü no khochile, “Pa no khuu puwu keno, nongu no pa pülü luvelo, hi no Alhou kümla ke.”

John 8:29

Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

John 9:31

Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 20:21

Jewmi eno Greekmi vilo ghi Alhou lau xaide ighi no ni Mpeu Jisü Khristo pülü penike thopi shi püani.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.

James 4:3

Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

1 John 2:3

Hipau vecheo ningu no ithilu keu ye tsala ningu no Alhou zakütsüqo pelu aye ningu ye Pa ithitoi luvae.

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.