1 John 3:20 - Sumi Naga CL (Re-edited) Bible (BSI)

²⁰ kughengu ni mlo no akipimi ningu tsü anamu Alhou ye ni mlo nguno akijeu eno Pa no thokha ithi ani.

BAIBEL (BSI)

²⁰ Tsala nimlono ningu kipimi shitsuaye, ninguno ithi anike Alhou ye nimlo nguno akijeu eno pano thwokha ithi anie.

Sümi Tiqhelimi Bible

²⁰ Tsalá ningu mlo no ningu kiléqhi aye, Alhou ye ningu mlo nguno akijeu kepi ningu no ithi cheni, eno pa no kümtsü ithi acheni.

1 John 3:20 Iomraidhean Croise

JOB 27:6

Ni ye I mikucho tsüqüpe aphi eno ti phevemo nani; I no xüighike I mlo no akipimi I tsülu kepu küha aphie.

JOB 33:12

“Ikemu no ye hipau lo achipishi amoe, I no o khochileni, kughengu Alhou ye timi nguno akijeue.

LESHELE 90:8

Nono ni xine O zülo qhipüani, niw tuqho-tugho xine ye O zülo aküvü lo ani.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

John 8:9

Ikemu kughou panongu no hipa tsa chilu keno panongu gholo kichimi no atüghü shino lakhikhi no wokhave, eno Jisü likhi atotiu no pa zülo puthughope aghive.

Apostolmi 5:33

Panongu no ti chilupe axuideve no apostolmi pithiveni shive.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

1 Kor. 4:4

Kughengu ni ye I kipimi kiumu kümsülu amoe, tishike ghenguno ni ye akipimi kühake pimlae. Ampeu no I shou küghathabe cheni ke.

Titus 3:11

titoi kemi ye sabideve kemi eno axinemie pi ithive lo, pa ye pa ampi kileqhivae.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,

1 John 3:19

Hipau lono ningu ye kuchou laumi eno Alhou zülo amlo kumto shikithelu ani kepi ithi nani;

1 John 3:21

Kimiye chekemiqo, tsala ni mlo no akipimi ningu tsümo aye, ningu ye Alhou zülo amlo kuloghipu ani;

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.