1 John 3:10 - Sumi Naga CL (Re-edited) Bible (BSI)

¹⁰ Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

BAIBEL (BSI)

¹⁰ Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

Sümi Tiqhelimi Bible

¹⁰ Khunoqo no Alhou nuliqo eno khunoqo no tüghami nuliqo keno ningu ye hipau lono ithive cheni: Khukhumu kiu no achipi keno tipau shimo kemi ye Alhou nuli kumoe, momu khukhumu panongu thiküzümi eno achelimi kimiyemo kemi ye Alhou nuli kumoe.

1 John 3:10 Iomraidhean Croise

SAMUEL AKINIU 13:22

Ikemu Absalom ye akivi na alhoksa namu Amnon vilo kiumu pimoe, Amnon no pa chepu Tamar shipüthave ke ghenguno pa ye Amnon mithive.

MATTHEW 13:38

Alu no ayeghiqha, apiti kivi huno Ayekipe tianuliqo, eno alupi no alhoksau tianuliqo ke.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

John 1:12

Ikemu khunono Pa ikhilu, Pa je lono pülülu keno, panoqo pelo Alhou nuli shilupe kepu chipiu Pa no tsüe,

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:47

Khunono Alhou laumi keno pa no Alhou tsa chilu cheni. Nongu no chimla keu kiqi ye nongu ye Alhou laumi kumoe.”

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Rommi 13:8

Lakhino lakhi kimiye kile keu pi-agha kumo aye khuu laumu api pu kevilo, khuu no kütami kimiyelu cheni keno Ayezah shikupu luvae.

Ephesiami 5:1

Tighenguno Alhou no qhuivü keu nuliqo akehu Alhou kimihi shilo.

Kolosiami 3:14

Hi kümtsü nguno alau kikimiye pepulo, kughengu kikimiye no thokha kupukülai tsügha küqhatsü cheni.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

1 John 3:1

Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.

1 John 4:6

Ikemu ningu ye Alhou laumi ke. Khunono Alhou ithi ani keno ni tsapi initsü cheni; eno khunono Alhou laumi kumo keno ni tsapi initsü chemoe. Hipau lono ningu no Kuchou Ghungu eno kichileu ghungu michilu cheni.

1 John 4:8

Khunono kimiye chemo keno Alhou ithi chemoe; kughengu Alhou ye kimiyekiniu ke.

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

1 John 5:2

Kughou ningu no Alhou kimiye no Pa zakütsüqo peluni keno, ningu ye Alhou nuliqo kimiye cheni kepi hipau lono ithi cheni.

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.