1 John 2:8 - Sumi Naga CL (Re-edited) Bible (BSI)

⁸ Tishimu I no nongu lau hipau ye akeu ye azakütsü kithe ghike, ti ye Khristo küdau pina nongu küdau pimu kuchoue, kughengu aküzü ye wove chea eno kuchou küvü huno phuphushi ayae.

BAIBEL (BSI)

⁸ Tishipimu niye nongu lau ahzakutsu akithe yepuwu ani, kughengu tipauye Khristo lolo eno nongu lologhi kuchou akeu huke. Kughengu akuzuye wove ani eno kuchou kuvu huye vu ipecheae.

Sümi Tiqhelimi Bible

⁸ Tishimu ni ye nongu lau azakütsü akithé lakhi yè anie; tipauw kuchou ye pa lolo eno O lolo no ithulu cheni, kughengu àküzǘ ye wove ani eno aküvü kuchou hu ye vüipeghivae.

1 John 2:8 Iomraidhean Croise

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 36:9

Kughengu aküxü züpuki ye O lau ani; O küvü lono ningu no aküvü ithulue.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 13:34

Azakütsü kithe lakhi I no nongu tsü ani: nongu lakhino lakhi kimiye kilelo; I no nongu kimiye ketoi nongu ghi lakhino lakhi kimiyelo.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 John 3:23

Pa zakütsü ye hike: ningu ye Pa Nu Jisü Khristo jelo pülübe eno Pa no aza ningu tsüve ketoi lakhino lakhi kimiye kile masae

1 John 4:11

Kimiye chekemiqo, Alhou no hitoi ningu kimiye püaghi aye, ningu ghi lakhino lakhi kimiye kepue.

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.