1 John 2:5 - Sumi Naga CL (Re-edited) Bible (BSI)

⁵ ikemu khunono Pa tsa peluni keno, kuchou no Alhou kikimiye ye pa launo kupukülailu cheni. Hipau vecheo ningu ye Alhou küdau ani kepi ithilu nani:

BAIBEL (BSI)

⁵ Ikemu khuno pa tsa papeluni keno timi tipau lolo kuchouno Alhou kimiyechekeu shikupulu ani. Ninguye Alhou gholo xukimelu akeu mutsuqheyi shilunikeuye hipauke:

Sümi Tiqhelimi Bible

⁵ Ikemu khukhumu pa tsa ghokulu shi aye, Alhou kimiye chekeu ye kuchou no panongu vechewo shikupuvae. Hitoi shikeu vechewo ningu ye pa lolo ani kepi ithi cheni:

1 John 2:5 Iomraidhean Croise

LESHELE 105:45

tishianguno panongu pelo Pa zakütsüqo qhilu eno Pa yezah pape peniye ke. Ampeu sheqhelo!

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

LESHELE 119:146

I no O ku ani; I xalulo, eno I no O kükütsüqo papeni.

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

LESHELE 119:4

Nono O yezah pesü ni tsüe eno amlo tsüqhiyi tipau gholu peni keu za tsüke.

AHOLE 28:7

Anu khuu no vethakulu kighithi ani keno Ayezah pelu cheni, ikemu mihemza kemi sasü kuloji kemi ye papu shikukujo ani.

AHOLE 8:32

“Ikehu I tsa inilo, O anuliqo: khunono I laghi lo checheni keno tipano kümghapue.

YETSAPIU 8:5

Khukhumu azakütsü pape keu ye alhoksa ithi chemoe, eno alokütsümi ye ado achipiu ngo achipiu laghi ithi ani.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 15:5

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 6:56

Khunono I shi chuni eno I ji shoni keno I gholo xüküqhape ani eno I no pa gholo xüküqhape ani.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

James 2:22

Nono ithulu anino pa küpülü ye pa kümla gholono mla ae eno pa kümla vecheo aküpülü shikupu tsüe;

1 John 3:24

Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

1 John 4:17

Hipa ghola lono kikimiye ye ningu lolo kupukülailu cheni, tishianguno ningu ye küghakütha tsala ghenguno amlo kuloghi shilu nani, kughengu ayeghiqha zülo ningu ye Khristo kimihi shilu masae.

1 John 4:18

Kikimiye loye akümsapu kühae, ikemu kupukülai keu kikimiye no akümsapu hapheve tsü cheni. Kughengu msaighü keu ye aghimepu kiqi ghike, khunono msaighü cheni keno kikimiye lo kupukülai lumphie.

1 John 5:2

Kughou ningu no Alhou kimiye no Pa zakütsüqo peluni keno, ningu ye Alhou nuliqo kimiye cheni kepi hipau lono ithi cheni.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

2 John 1:6

Kikimiye ye hipau ke: ningu ye Alhou zakütsü kiqi lono cheche masae. Nongu no abothu lono chiluve ketoi azakütsü hipau tsükeu ye nongu pelo tipau lo cheche peniye ke.

Piyeküsü 12:17

Tileno dragon ye atotiu jupe axuideve no li polo kughukomi khunono Alhou zakütsü pecheni eno Jisü shepe shicheni keno kümtsü sasü aghü shiniye wuve.

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.