1 John 2:27 - Sumi Naga CL (Re-edited) Bible (BSI)

²⁷ Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

BAIBEL (BSI)

²⁷ Ikemu Khristo no Aghungu Kimthe nongu shou lepuku tsukeu nongu lolo acheni, ikehu timi khunomu nongu shika akepu nonguye avehupu shiamoe. Kughengu pa Ghungu Kimthe no thwokhalo nongu shika nani, eno pano shika keu huye kuchouke, kichileu kumoe. Tishiaye Aghungu no nongu shika keu lulo eno Khristo gholo xukimepe achelo.

Sümi Tiqhelimi Bible

²⁷ Nongu ghengu ye, nongu no pa lau no nukishe keu ithulu keu nongu lolo anike, eno nongu ye nongu shika penike khumu avehupu shi amoe. Ikemu pa no nukishe keu no thime kümtsü nongu shika cheni eno nukishe keu tipau ye kuchou ke, kichileu kumoe—nongu shikave keu toi, pa gholo achelo.

1 John 2:27 Iomraidhean Croise

AHOLE 28:5

Alhoksami ye kuchou xakütha vethalu chemoe, ikemu khunono Ampeu phucheni keno qhoi ithitoi ani.

ACHINE 7:35

AMPEUw achuqupu kümllagho lono ikhiphe keu saje hipau ye Aaron ngo pa nuli achinemi shipenike süsüve keqo salae.

AKIKIHI 7:43

pa kümllagho no hipaqo: ghükayi khu ahu lakhi tüxa; ghükayi chithakhu gram 800, ti ye achineki lo pechekeu kimshi qhemi; athi kümllagho ghenguno hiküma lo ashomkhu akivi thazü pesü kiteve keu chhitotoi;

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

John 14:16

I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 16:13

Kughou Kuchou Ghungu ighini keno, pa no kuchou ghili kümtsü lo nongu saphe sawu nani, kughengu pa ye pa kutoshino pimo nani, ikemu pa no kiu chilu keno pi nani eno ighini ye akeqo ghili nongu vilo pi nani.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

1 Kor. 2:12

Ningu ye hipa yeghi lo ghungu ithuluke kumoe, ikemu Alhou launo ighikeu Ghungu ithulue, tishikeu lono ningu pelo Alhou no kümsa no kiu ni tsü keno ithi peniye ke.

1 Kor. 2:13

Ikehu nino timi lokütsü no shikakeu lono kumono Aghungu no shika keu tsa pesü picheni, eno Aghungulo küxümi vilo Aghungu ghili kuchou pesü hepho piye cheni.

2 Kor. 1:21

Alhou no ningu eno nongu pesü Khristo gholo kütshükime lupe, Pa no ningu nukishe,

Ephesiami 4:21

Nongu ye mtsüqheino Pa ghili chiluvae, eno kuchou huno Jisü lau aketoi Pa launo nongu shika puthu luvae.

Kolosiami 2:6

Tighenguno nongu no Khristo Jisü ye Ampeu kepi ikhiluve ketoi, pa gholo cheche lo,

1 Thes. 2:13

Hi ghengu ghi nino tamono Alhou shikimthi ani, ike kughou nongu no ni launo Alhou tsa ikhilu keno ti ye timi tsa kumoe ikemu nongu küpülümi lolo mla akeu Alhou tsa kuchou kepi nongu no ikhilue.

1 Thes. 4:9

Athiküzümi kimiye kileni keu vehu lo khunomu nongu lau ye akepu vehu kühae, kughengu lakhino lakhi kimiye kileni keu ye Alhou no nongu shikavae,

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

1 Peter 1:23

kughengu nongu ye shipüsa kulupu piti lono kumono shipüsa kümlapu piti, aküxüpu eno pülhapuju achekeu Alhou tsa vecheo punu kithevae;

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

1 John 3:24

Khukhumu Alhou zakütsü pape kemi ye Pa lau xükimelu ani, titoi Alhou ghi pa lolo ani, eno hipau lono Pa no tsükeu Ghungu huno ningu sasü xükimepe acheni kepi ningu no ithi ani.

2 John 1:2

ti ye ningu lolo kuchou akeu eno alholo ningu gholo acheni ke ghenguno ke.