1 John 2:19 - Sumi Naga CL (Re-edited) Bible (BSI)

¹⁹ Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

BAIBEL (BSI)

¹⁹ Timi hipaqoye kuchouno niqonihomi kumoe ikehu ningu launo wuvae. Panonguye niqonihomi keaye panonguye nigholo ngo aghini cheke. Ikemu panonguye wuvae, tipau kiqiye panonguye niqomi kumo kepi mutsuqheyi ithive peniyeke.

Sümi Tiqhelimi Bible

¹⁹ Panongu ye ningu lau no ipeve ke, ikemu kuchou lo ye panongu ye ningu laumi kumo ke. Kughengu panongu no nilaumi shi aghí ke aye, panongu ye ningu gholo ngo aghíni cheke; ikemu panongu no wuve keu ye panongu lakhimu ningu laumi kumo kepi pìyevae.

1 John 2:19 Iomraidhean Croise

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

LESHELE 37:28

Kughengu Ampeu ye kuchou xakütha kimiye cheni; Pa ye Paw timi phevemo nani. Panongu ye alholo püxü püacheni, ikemu kixikilami tianuli ye ikhive nani.

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Luke 8:13

Khikhi atuqu shou iku keno tipaqo ye, Atsa chilu kelo alokivishi ikhilu chekeqoe. Ikemu panongu ye akuhu küha kehu ado kitila ghenguno pülü cheni, eno peju keu do ighike lono idewove cheni.

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

Rommi 9:6

Ikemu panongu ghenguno Alhou tsa ye adou shiveke kumoe. Kughengu aji lono Israelmi shi aghi kemi kümtsü no Israelmi kekumoe,

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

2 Tim. 3:9

Ikemu panongu ye khitohi mu wumla nani, kughengu hu pama shou kishive keno, titoi timi kümtsü lau hipaqo ghüzü piye nani.

IBRIMI 10:39

Ikemu ningu ye athiu idewove no pühaveni kemi kumo püzü aküpülü akemi eno Alhou no püxü keqoke.

2 John 1:7

Kughengu ayeghiqha lo pishikiqhimi, khunoqo no Jisü Khristo ye ashi phimpi xapusü ighie pi ikhilu chemo keno, tipaqo kutomo ipeghivae. Titoi kemi no pishikiqhimi eno kichileu Khristo ke.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Jude 1:19

Ayeghi küxü lo amlo kütsümi, Aghungu Kimthe küha kemi hipaqo no kijetha keu süghi cheni.