1 John 2:15 - Sumi Naga CL (Re-edited) Bible (BSI)

¹⁵ Ayeghiqha momu tile akeu thimeqo kimiye kevilo. Khuana no ayeghiqha kimiye cheghi aye, pa lolo Apu kikimiye kühae.

BAIBEL (BSI)

¹⁵ Ayeghiqha momu tile kiu ani keno tipaqo laumi kimiye kevilo. Khunono ayeghiqha kimiye cheni keno Apu kimiyeni keu pa lolo kuhae.

Sümi Tiqhelimi Bible

¹⁵ Ayeghiqha momu ayeghiqha lo akeu thimeqo kimiye kevilo. Tsalá khuala no ayeghiqha kimiye cheghi aye, panongu lolo Apù kimiye nikeu kühae.

1 John 2:15 Iomraidhean Croise

MATTHEW 4:8

Itaghi, tüghami no pa sasü ighono chuqumghai keu naghuto lo wuno ayeghi lo kükaqha eno tipaqo jekipi kümtsü pa piye.

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Luke 16:13

Aqeu khumu ampeu kini qe küqhamlae, pa ghengu ye lakhi mithive no lakhiu kimiyeveni keo, lakhi gholu no lakhiu jukünathani keno lakhi kishelu masae. Nongu ye Alhou eno küakini qe küqhamlae.”

John 15:19

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

1 Tim. 6:10

Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

1 John 3:17

Ikemu khuana no ayeghi lo thime jeli aghi no pa thiküzümi no avesa akeu ithulu pülaghi pa mlo xükho move aye, kishino Alhouw kikimiye ye pa lolo ngoni kea?

1 John 4:5

Panongu ye ayeghilomi ke ghenguno ayeghi gholau no picheni; eno ayeghilomi no pano tsapi ini cheni.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.