1 John 1:6 - Sumi Naga CL (Re-edited) Bible (BSI)

⁶ Tsala nino aküzü lo cheche pülaghi ningu ye Pa gholo kuposhu chenie pi aye, ningu ye miki ani eno kuchou pesü xüchemoe.

BAIBEL (BSI)

⁶ Tishiaye, ninguno akuzulo cheche pulaghi ninguye pa gholo kuposhulu ani kepi aye, ninguye miki ani eno kuchou kiqi lono xuchemoe.

Sümi Tiqhelimi Bible

⁶ Ningu no pa sasü kuposhu cheni ipi pükha aghí namu àküzǘ lo xü aye, ningu ye mikí ani eno kuchou shi xülu chemoe.

1 John 1:6 Iomraidhean Croise

LESHELE 82:5

Panongu ye akighithi mu vethakulu mu kühae, panongu ye aküzü lo checheni; ayeghi boqha kümtsü süküghüthavae.

LESHELE 94:20

Küsakügha yepemi khunono achipikumo lono ayezah mla cheni keno panongu ye O sasü visho shilu nani keshea?

AHOLE 2:13

aküzü lo xüniye müzüchoi keu laghi pheve kemi launo xalu nani,

MATTHEW 7:22

Tipa tsala lo kutomo no I vilo pi nani, ‘Ampeu, Ampeu, ningu ye o je lono Alhou tungkuptsa pi, o je lono tüghamiqo haphe, eno o je lono akümzapu kümla kutomo shipüani ke kumo keshea?’

John 11:10

Ikemu khuu no putho lono checheni keno pa ye küpxalu cheni, kughengu pa lolo aküvü kühake.”

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 8:55

Nongu ye pa mthae ikemu ni ye pa ithi ani. Tsala I no ni ye pa mthae pi aye ni ye nongu toi kimkimi, ikemu ni ye Pa ithi ani eno Pa tsa pape cheni.

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

James 2:14

I thiküzümiqo, milakhi no pa ye aküpülü anie pi aghimu akümla küha aye kiu akivi ani kea? Aküpülü tipau ye pa xalu nani keshea?

James 2:16

pano phimpi no avehupu shi akeu ye tsümono nongu no, “Aloino wulo, lüvüi eno aposünhei lo” ipi aye kiu akivi ani kea?

James 2:18

Ikemu khuana no ishi piluvi, “Nono aküpülü ani eno I no akümla ani.” O kümla sümono o küpülü I piyeju lo, eno I kümla lono I no I küpülü o piyeni.

1 John 1:10

Tsala nino ningu ye axine shimphie pi aghi aye, ninguu no Alhou pesü akimkiu shive tsüae, eno Pa tsa ye ni lolo kühae.

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

1 John 1:8

Tsala nino ningu ye axine kühae pi aye, ni likhi ninguu pishiqhi auva eno ni lolo kuchou kühae.

1 John 2:4

Khuu no “Ni ye Pa ithitoi ani” ipi ani kemu Pa zakütsü pemoni keno pa ye kimkimi, eno pa lolo kuchou kühae,

1 John 4:20

Khuana no, “Ni ye Alhou kimiye cheni” ipi no pa thiküzümi mithi cheghi aye, pa ye kimkimi; kughengu khunono pa no ithulu chekeu thiküzümi kimiye chemo keno, pa ye ithulu chemo keu Lhou kimiye mlae.