1 John 1:3 - Sumi Naga CL (Re-edited) Bible (BSI)

³ Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

BAIBEL (BSI)

³ Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Sümi Tiqhelimi Bible

³ Ningu ye ningu no kiu ithuluvea eno chiluvea keno tipau pesü nongu lau asheshu acheni, tishianguno nongu ghí ningu gholo kuposhulu peniye ke. Eno ninguw kuposhukulu ye Apù gholo eno pa Nu Jisü Khristo gholo ke.

1 John 1:3 Iomraidhean Croise

JOB 13:1

“I nhethi no hi kümtsü ithuluvae, I kini no chilu no vethaluvae.

LESHELE 2:7

I no xaküthaza pini: Ampeu no I vilo pi, “No ye I Nu; ishi tsala lono I no o pu shivae.

LESHELE 22:22

I no O je pesü I thiküzümi vilo pini; aqoaho lono I no O sheqheni:

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

AKIKIHI 10:32

Nono ni gholo wu aye, Ampeu no akivi kiu kiumu ni lau mlatsü keu nino athoshi o lau shini.”

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 19:35

Khuu no ti ithulu keno pa no thopi shitsü—paw thopi ye kuchou, eno pa ye kuchou tsa piani kepi pa no ithi ani—tishianguno nongu ghi pülülu peniye ke.

Apostolmi 13:32

Eno Alhou no apuasüqo lau piqhi keu tsakiviu ningu no nongu lau süghi ani,

Apostolmi 13:41

“‘Julo, nongu thoküghami, apuchopungo pe pühavelo; kughengu I no nongu ghuloki lo akümla lakhi shi ani, ti ye khami no nongu vilo pinamu pülü moni keu kümla ke.’”

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

Apostolmi 4:20

kughengu ningu ye kiu ithulu eno chiluve akeno pimono amlavae.”

Rommi 15:27

Kuchou lo panongu ye tishi kelau kehu amlokiqi shi tsüni keu kümsülue. Kughengu Jewkumomi no Jewmi vecheo aghungulo kükümgha küsajelu püaghi aye, itehi Jewmi no avehupu shi akelo panongu ghi tinhemgha jeli pesü kümghatsü kepue.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 1:9

Alhou ye pükhükulupu, Pa vecheo nongu kusawo Pa nu, ni Mpeu Jisü Khristo gholo kuposhulu peke.

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.

2 Kor. 13:14

Ampeu Jisü Khristow küpükini, Alhouw kikimiye eno Aghungu Kimthew kuposhukulu no nongu kümtsü gholo apeniu.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

FILIPIAMI 1:7

Ni ye nongu kümtsü ghenguno hitoi kümsü tsü kelaue, kughengu I no akughuki lo akelo ngo atsakiviu süsho eno iqhikumto chekelo nongu no küpükini lono I gholo kutupo tsü kehu ni ye alhokuthu I mlo lo nongu püacheni.

FILIPIAMI 2:1

Tighenguno, Khristo laumi shikeu lono shikumto kilelu, kikimiye lono alokughunolu, Aghungu lono kuposhulu, ivüilailu eno amlosa qhiyi kilelu aghi aye,

FILIPIAMI 3:10

Tishikeu lono I no pa ithi, paw xüchilekulu küka ithi, pa ghime küsaje, eno pa kithi lo ghi pa kimihi shino

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

1 Tim. 6:2

Khuno mpemi no küpülümi keno aküpülü lono athiküzümi shivae pi tipaqo phimo gihumo kevilo; tipa züqhulo akivishi panoqo qe masae, kughengu khunono pano kümla kivi vecheo avehupu shilu cheni keno, tipaqo ye küpülümi eno qhuivü chekemi ke. Thime hipaqo pesü shika eno kütü lo.

IBRIMI 2:12

ishi pike toi, “I no I thiküzümi vilo O je pitsüni; aqoaho zülono I no O shekiqhe le pheni.”

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 3:14

Kughengu ningu no abothu lo ni mlo kuloghi shiche ketoi ashekha kutolo mtotoi tsüqü pelu aye ningu ye kümtsü Khristo lau kulojilu kemi ake.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

2 Peter 1:16

Kughengu kughou nino ni Mpeu Jisü Khristo küka eno Pa ikighi ghili nongu lau kilethitsü keno, ningu ye mqümgha shi iqüphe keu küghakiche tsa papemoe, ikemu ningu ye Pa kükanguagha thopimi ke.

1 John 1:1

Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,

1 John 1:5

Ningu no Anu launo chilu püzü nongu lau pikülha akeu tsape ye hike: Alhou ye aküvü, eno Pa küdau ye khilemu aküzü kühae.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.