YETSAPIU 9:2 - BAIBEL (BSI)

² Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

Sumi Naga CL (Re-edited) Bible (BSI)

² Hi ye kümtsü ghenguno aphiphi ke, amikuchomi ngo kixikilami, akivimi ngo alhoksami, mqhamqhi kemi ngo mithekumomi, aghakishimi ngo shimo kemi, kümtsü aphiphi ke. Kivimi no axinemi nguno akiviu ke kumoe, eno ashoqhi shikemi no shimo kemi nguno akiviu ke kumoe.

YETSAPIU 9:2 Iomraidhean Croise

BOTHUBO 24:3

AMPEU, atsutsu eno ayeghi Lhou je lono ino opelo tushoqhi penie, ike tiye hi Kananmi, ino achekemi gholono inu nipu shinikeu khilemu lutsu kevilo.

JOB 9:22

Kumtsu aphiphie, tighenguno ino pi ani: Alhou ye akumzumi ngo kusakughami aphiphi shi heqhi cheni.

LESHELE 73:3

Kughengu ino qhezalaki kemi jupesu anheshuke eno kixikilamino akuxu viaghikeu jumine kehue.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

YETSAPIU 3:19

Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 6:6

Tishiaye timino ampe 2000 kutolo xukepu shi namu akuxulo alokepu shilumo aye ti pama kinikujo a-a aphiphilo wuve anike kumokesha?

YETSAPIU 7:18

Noye hipau tsuqupelu keuno aloke eno hipau phevekepu kumoe. Nono Alhou sumsa aye kiukiu la lomu tokulupu shi nanike.

YETSAPIU 7:2

Kusakusho kilo wukeuno aghulhu shiakeu kilo wukeu nguno akiviuke, kughengu akithino ningu kumtsu ngokhe akeu tsa pesu kuxumi piputo tsu acheni.

YETSAPIU 9:11

Avehu kutau ino phupe puani, ike ayeghi hipaulo muthuthei pothikemiye pulhapuju tokulu shilu chemoe eno amlo kuloghimiye pulhapujulo aghukishilo tokulu shi chemoe. Alokutsumi qoye pulhapujulo xulu chemoe, be-lhochu achemoe, aqho kutsughamiye pulhapujulo kinimi shiluchemoe, eno phui thaikemiye pulhapujulo akuxu kuchuqulo ikulu chemoe. Angukusano kumtsu lau ighi cheni.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

JEREMIYA 43:6

Kiptimi, totimi, itimi eno akukau nongaqo kumtsu sawuve. Ahzakutsuu akijeu Nebuzaradan no Gedaliya pelo jukutsu penike qhipua kemiqo kumtsu panonguno sawuve eno Baruk ikujo ghi panoqo gholo sawuve.

MALAKI 3:15

Nino ithulukeuye aqhekuzamino alokivishi ani. Alhoksamiye kinikulu shiluke likhi kumono panonguno panoqo kumla lhoksa shikeu pesu Alhouw kheakulu ghuju cheni tishi keghi kiumu shimono aluve cheni.’ ”

MALAKI 3:18

Amikuchomi eno timi khuuno iqecheni eno khuuno iqechemo keno tipau dolo kutuquvekeu iwu timiqono itaghi ghuthu lakhiye ithulu nani.”

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

SAMUEL ATUGHIU 14:26

Asubo kumtsulo akhi ngozu no chhitoi ae, ikemu khuunomu tipaqo chumoe, kughengu panongu kumtsu Saul no ghushove nosake msa ae.