YETSAPIU 9:1 - BAIBEL (BSI)

¹ Ino ado kushuwa hipaqo kumtsu kumsukutoju eno ithulu puakeuno Alhou no alokutsumi ngo amikuchomi kumla kughutha peitha acheni, panonguno kimiyechekeu ngo mithi chekeu kutolo paulo acheni. Timi khunomu pa zu-u kiu ani keno kiumu ithichemoe.

Sumi Naga CL (Re-edited) Bible (BSI)

¹ I no hi kümtsü kümsü kutoju eno kishekhalu keu no, alokütsümi ngo amikuchomi kümla ye Alhou u lo ani. Ikemu kikimiye no keo akimthi no pano khe ani keno khunomu mthae.

YETSAPIU 9:1 Iomraidhean Croise

JOB 12:10

Lhoxu kumtsu xuthi eno timi kumtsu tuthu pa-u lo anie.

JOB 27:12

Ikemu le, nonguno hi kumtsu ithuluve aghiaye nonguye kushiye mbomzu tsa pi ani kya?

JOB 5:8

Ino no shiaghike aye, niye Alhou lau wuno ivehu pa vilo pini cheke.

LESHELE 10:14

Ikemu nono ithulu ani; shiluksa eno ghichhe-ghime nono ithitoi ani eno kuphuniye khe anie. akukuphu kuhakemino pa likhi pa pesu olau kulhuqhi; nono mighimi kuphu acheni.

LESHELE 119:109

Niye pulhapuju ikuxu avekusa shinikeu kutope ani, niye oyezah kumsumamoe.

LESHELE 31:5

Oulo ighungu kulhoqhi ani, nono ixapheluve nani, O AMPEU, noye pukhukulupu Lhou ke.

LESHELE 73:3

Kughengu ino qhezalaki kemi jupesu anheshuke eno kixikilamino akuxu viaghikeu jumine kehue.

AHOLE 16:3

AMPEU vilo okukughu kumghatsu penike khulo eno opelo tipaqo shikupulu pe nani.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.

YETSAPIU 10:14

Mbomzumiye atsa pi-pi acheni. Hipashelo kiu shini cheni keno timi khunomu mthae eno ninguno thive kethiu kiu shiveni keno khunomu ningu vilo pimlae.

YETSAPIU 7:15

Ikuxuye adouke, ikemu hipaulo niye thwokha kumtsu ithulue. Kivimi lakhiye thiveluvi eno kutamiye alhoksami shianamu xuaghiluvi.

YETSAPIU 7:25

Ikemu akighithi ngo phujunikeulo ilikhi imlo suke; niye alokutsu phulunikeulo amlo tsuke eno ino iniju achekeu khokichile phucheke eno kixikila ngo anikhaye kiutoi kela ithinikeu pukaputsake.

YETSAPIU 8:14

Ikemu tiye adou tsake. Ayeghiqhalo kiu shiani keno julo: ado khaniloye amikuchomiye kixikilamino ghimeqhi cheni eno kixikilamino amikuchomi saxu ithulu cheni. Ino piani, highi adouke.

YETSAPIU 8:16

Kugho kughomu ayeghi hipaulo kiu shiani keno ithinike eno alokutsu shinike ino pukaputsa kelo, ino shijukeu kiqilo noye putho pucho idaithu ngo akepu shiauve cheni

YETSAPIU 8:7

Ningu gholo khunomu kiu shive nani kela ithi chemoe eno ningu vilo pitsu nikeu khumu kuhae.

YETSAPIU 9:6

Panongu kikimiye, panonguno jumithi chekeu, panongu lolo aghikumtho kumtsu panoqo gholono thive cheni. Panonguye ayeghi hipaulo kiu shiani keno khilemu tipau alo chhosulumoake.

ISAIAH 26:12

AMPEU, nono kinikulu ningu tsu nani; ninguno shiqhilukeu kumtsu nono shiakeuke.

JEREMIYA 43:6

Kiptimi, totimi, itimi eno akukau nongaqo kumtsu sawuve. Ahzakutsuu akijeu Nebuzaradan no Gedaliya pelo jukutsu penike qhipua kemiqo kumtsu panonguno sawuve eno Baruk ikujo ghi panoqo gholo sawuve.

ZAKINIU 33:3

AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

2 Tim. 1:12

eno highenguno hishi aghime shianie. Ikemu niye kujo-mza chemoe, kughengu ino khuu pulube chenikeno ino ithi ani, eno ino pulu akeuno Atsala hu tomoke kutolo pano ilau kiu pichebe puanikeno tipau paye khe kulupu shi ananike.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

SAMUEL ATUGHIU 2:9

Aghokulumi kuxu ye pano shokha tsucheni ikemu alhoksami ye akuzu lono hauve cheni; Timi lakhiye pa kumto lono tokulu shilu chemoe.