YETSAPIU 7:2 - BAIBEL (BSI)

² Kusakusho kilo wukeuno aghulhu shiakeu kilo wukeu nguno akiviuke, kughengu akithino ningu kumtsu ngokhe akeu tsa pesu kuxumi piputo tsu acheni.

Sumi Naga CL (Re-edited) Bible (BSI)

² Küqa kumlo kilo wukeu no aghulhu kilo wukeu nguno akiviue, kughengu akithi no timi kümtsü shekuho ke, küxümi no ti pesü pano mlo lo qhimasae.

YETSAPIU 7:2 Iomraidhean Croise

LESHELE 90:12

Ni kuxuye kiutoi ikhonhei keno nishikapiyelo, tishianguno ninguno alokutsu shilu kepushi.

YETSAPIU 2:14

Alokutsumiye khilau wucheni keno ithi ani ikemu anikhamiye tishimlae.” Ikemu shekhalo kiu shive chenikeno ningu kumtsuno ithi anike.

YETSAPIU 2:16

Khunomu alokutsumi na anikhami pinamu kumsuchilelu chemoe. Ighinikeu tsalaloye ningu kumtsu kumsuma khave nani. Alokutsumi na anikhami namu ningu kumtsu thive nani.

YETSAPIU 3:19

Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

YETSAPIU 3:20

Pama kinikujo a-a aphiphilo wuve cheni - ayeghi mukhu shive cheni. Pama kinikujo tipau lono ighi eno kinikujo tipaulo idewove cheni.

YETSAPIU 6:6

Tishiaye timino ampe 2000 kutolo xukepu shi namu akuxulo alokepu shilumo aye ti pama kinikujo a-a aphiphilo wuve anike kumokesha?

YETSAPIU 9:2

Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

YETSAPIU 9:5

Iyei, kuxumino panonguye thive nani kepi ithiani ikemu kithimiye kiumu ithiamoe. Panonguye asaxu kutau kuhake; kutamino panongu kumsumave cheni.

ISAIAH 47:7

Nono kumsukeuno noye pulhapuju akukaliu shia nani kughashike, ikehu hipaqo omlolo kuhake momu ashekhalo kishive nani kela kumsujumoke.

JEREMIYA 16:8

“Aki khilehi timiqono aghulhu shiaghini keno tipaulo ilokevilo. Panoqo gholo kuchu kusho shinike iqa kevilo.

HAGAYI 1:5

Nongu shou kiu shi ikughi ani keno nonguye ithumla kesha?

MALAKI 2:2

Nonguno mla ithakeulo igihu kepu shimasa. Nonguno ino pikeu inimo aye ino nongu shou musuini keu sughi nani. Nongu chuqupu ithulu keu shou ino musuini bevetsu nani. Mutsuqheyino, ino tipaqo shou musuini bevae kughengu nonguno ino ahza tsukeu amlo tsuqhiyi ikhilumoke.

AKIKIHI 23:10

Israilmi kughuko ye ayeghi mukhu paphike Panonguye kutomo kehu kihikhamlae. Alhou wu timiqo gholo hutoi ikuxu ashekha shipelo; Amikuchomi toi alokughuno shi ipelo thipelo.”

MATTHEW 5:4

‘Mlo qa chekemi kumghae, kughengu Alhou no panoqo lokughuno tsu nanie!

ZAKINIU 32:29

Panonguye kushiye leluvepe keno tipau ithumla, Panonguye kiu shive keno tipau vethamlae.

ZAKINIU 32:46

Muse no pi, “Mutsuqheino nonguye ishi tsalalo ino ahza hipaqo nongu tsukeu papelu masa kene. Nongu tianuli vilo hipaqo pikichichilo, tishianguno panongu pelo amikucho shi Alhou no kutsukeu kumtsu papelu pelo.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.