YETSAPIU 4:8 - BAIBEL (BSI)

⁸ Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

Sumi Naga CL (Re-edited) Bible (BSI)

⁸ thilimi lakhi anu mu athiküzümi mu kühano ache, ikeghi tamono akaghashi mlache eno pa ye küakini jupe aghaqimo kelau ishi pijumoe “Ni ye khuu ghenguno akaghashi mla eno I lopivini keu milive acheni kea?” Hi ghi adou eno alokivi vehu kumoe.

YETSAPIU 4:8 Iomraidhean Croise

BOTHUBO 2:18

Tile AMPEU Alhou no pi, “Timi pelo pa likhi apekeu hiye aloni che moe. Pa sasu kumghulu kepu kukuphuu lakhi ino lhope tsuni.”

LESHELE 39:6

timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

LESHELE 39:7

Tishiaye, niye kiu laju akepu ani kya? AMPEU, ino oshou lajukeu beni.

AHOLE 27:20

Timino mine chekeuye kithimi yeghi toike, tilehiye pulhapuju a-a ililai ani.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 1:8

Thwokha akunga kughapuke; tiye timino piphe khamlae. Anhethiye khilemu ju aghaqivekeu kuhae; akiniye khilemu chilukhave chemoe.

YETSAPIU 2:21

Kughengu khaniloye timiye alokutsu ngo akighithi eno asuqekithi peithano ime mlachekeu kumtsu qhivetsuno tipaqo ghenguno ime mlamo kemi pelo alokughunoshi peithawuvepe cheni. Hiye adouke eno hiye achipi kumoe!

YETSAPIU 2:23

Nono xuake kupujulo nono shikeu kumtsu kumu kuhae ikemu amlo kusa eno amlo ghujupu likhike. Putholo thotsu okukumsu akulho qhimlae. Hi kumtsu adouke.

YETSAPIU 4:7

Kutau kiukela ithulu puani eno akuxulo tiye adouke.

YETSAPIU 5:10

Nono pisa mine cheni aye noye khilemu aghaqimo nanike; nono kinimi shinishi kutu cheni aye noye khilemu lunishike thaqhu kumtsu ithumla nanike. Hiye adouke.

YETSAPIU 5:9

Kukami ghi ghile hukeu shou bepe acheni.

ISAIAH 5:8

Nonguye ahasapuke! nonguno aki alu alau qhukupha eno puzuu akeu gholo pekuqha cheni kushuwa kumo dolono kutami pelo a-a kuhano xusumlavepe cheni eno ayeghilo nongu likhi xuauve cheni.

ISAIAH 55:2

Kushiye kiumu aghaqimo kepu lono pisa peve cheni kya? kushiye nonguno qelukeu puwo khave keghi muzuthi cheni kya? Itsa inilo eno ino pikeu shilo, eno achuqupu kumtsu nguno akiviu pesu nonguno alopivilu nani.”

MATTHEW 11:28

“Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

Luke 12:20

Ikemu Alhou no pa vilo pi, ‘No aghuzuu! Hipa jino okuxu kuhaveni cheni, ike nono olikhi oghenguno hi kumtsu pekutsu puakeu khuwu shivepe nani kya?’ ”

1 John 2:16

Kughengu ayeghiqhalo akeu laumi, ti ashiajino mineche keu, anhethino ithukulu mineche keu eno akuxulo pighi aghi keu qhekuza jeli kumtsu Alhou launo ighimoe, ikemu ayeghiqha launo ighike.