YETSAPIU 12:2 - BAIBEL (BSI)

² Tipauye kughono tsukinhe kuvu, aqhi kuvu eno ayepu kuvuno oghenguno zamimeive nikeno tileno tishi nani, tsughu chekeu khungkusuye khilemu tau move nani.

Sumi Naga CL (Re-edited) Bible (BSI)

² ti ye khetsünhe ngo aqhi eno ayepuqo no züchiyive mphi lono eno khüngküsü no tsütsüghu shelo shi ighi mphi lono tishilo,

YETSAPIU 12:2 Iomraidhean Croise

BOTHUBO 27:1

Isak ye kitemi shive eno pa nhethino zamemeyive kehu paye ithumlauve. Pano panu akichiu Esao ku puzu pi, “Inuo!” Esao no khochile pi, “Iye, ni hi anie!”

BOTHUBO 48:10

Israil ye kitemi shive kehu pa nhethi zamemeyive kehu paye ithumlae. Josef no pama pa kupunu saghino Israil no pama khapeno pama mumae.

LESHELE 71:20

Nono shiluksa eno ghichhe ghime ishou pukuke, ikemu nono ikumto suchile sughi nani; nono akumoki launo isachile saghi kithe nani;

LESHELE 77:16

O Alhou, kughono azuno noithu lunikeno panoqoye musaveke, azughi kuthono musa khokho shiveke.

LESHELE 90:10

Ni mipeye lhotsunike eno ninguno mutotoi aghinamu lhotacheke; ikeghi tipadolo shiluksa eno amloghime likhi ke; akuxuye payi woveno ninguye cheve cheni.

ISAIAH 13:10

Ayepu ngo ayesu jeli qono yevuqai tsumove nani, tsukinheno ipeghi puzu zumoive nani eno aqhino akuvu tsumove nani.

ISAIAH 5:30

Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.

JOYIL 3:15

Tsukinhe ngo aqhiye zumoive, eno ayepuqoye yepuvumove nani.

MATTHEW 24:29

“Atsala tipaqolo aghime kitikhi shive kemtsa tsukinheno zumoyive nani, aqhino vuqayi move nani, ayepuqono atsutsu lono ikiqive nani eno atsutsulo akuka jeli akeqo sukiniqhi nani.

SAMUEL ATUGHIU 3:2

Tipa ghulokilo Eli nhethiye zamemei veke paye kumu ithumlaghi shiuve eno pa alo ihozughi ngoche;

SAMUEL ATUGHIU 4:15

(Tipa ghulokilo Eli ye apunu mpe lhotoku tache shi ayea kehu anhethi kumu ithumlauve.)

SAMUEL ATUGHIU 4:18

Kughou timi huno AMPEU wu Puloshoqhi Bohu jeku kemtsa, Eli ye khagho phivi lono pa kughuqa alono milekukauno veqhive; eno pa kuo shochhe ikiqiveno thive, kughengu paye ighono kitemi shive, eno mishisheyi kehu idethughi mlave. Paye ampe lhobidi Israilmi shou sakipheu shicheke.