NEHEMIA 7:2 - BAIBEL (BSI)

² Ino ithikuzumi Hanani ngo Hanania akuka kilo ayehpeu Jerusalem phughilo ayehpe penike qhitsu. Kughengu paye kutami nguno Alhou sukumsamike.

Sumi Naga CL (Re-edited) Bible (BSI)

² I no I thiküzüu Hanani ngo akighiki lo angh Hananiah pama pelo Jerusalem lo ayepe penike bemakho tsüve, kughengu pama ye kütami nguno Alhou sükümsami ke.

NEHEMIA 7:2 Iomraidhean Croise

BOTHUBO 42:18

Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo.

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

KUKAMI ATUGHIU 18:12

Tsala AMPEU ghunguno ino piwuveke dolono oxapusu a-a kumthalo wuve aghi aye, ino Ahab vilo noye hilehi ani ipi puzu pano ophuju puhave aye paye mutsuqheino iheqhi pithive nani. Niye itilono AMPEU mllasusu xu ithughivekemi ipi kumsulu masae.

KUKAMI ATUGHIU 18:3

tighenguno Ahab no akukaki jukukutsuu Obadia ku. (Obadia ye AMPEU mllachekemi kuchomi lakhike,

NEHEMIA 1:2

Ithikuzumi dolo milakhi Hanani ipikeu no timi aqo kutami lakhi sasu ighi eno ino panongu vilo Jerusalem ghili eno nikusami Judami hakughutsuve kemi Babilon lo xuaghino ideighi kemi ghili ighiju.

NEHEMIA 13:13

Ino timi hipaqo pelo anhemgha kiqhia jukutsumi shi vepe: Shelemia achinemi lakhi. Ayezah kighithiu Zadok; Pedaia Levimi lakhi; Zakur nu eno Matania tinu Hanan pelo panoqo kukuphuu shipe. Ino ithi akeuno panonguye amikucho shi tinhemghaqo kijepe pano kusami akumlamiqo tsulu nani kepi puluveke.

NEHEMIA 2:8

Asap lau ghi yekili lakhi yetsu lepi qhuiniju, pano kukami ghasu kheu kehu pa pelo toktasu itsu kulupu shipe nike, tiye achineki hukikha wu khagho ngo aphughi kupuwu ghengu eno ino ngokepu ki ghenguno ke. Akukatou no ino khukeqo kumtsu itsuve kughengu Alhou no igholo ake.

NEHEMIA 5:15

Izuu ahng shi ikighimiye timiqo ghimeqhi cheke, achuqupu eno aji ghenguno atsalalo tsandiyi lhobidi khuche. Panongu qemi thotsu timiqo qhasupe acheke. Ikemu niye titoi shimoe, kughengu niye Alhou msa che.

NEHEMIA 7:3

Atsala ipeghi mphilo ye pama vilo Jerusalem khagho khaqhi kevilopive eno tsukinhe ilomphi eno aghukhemi ngo aphi lono khagho khavelo pi pive. Ino pama pelo Jerusalem lo xu achekemi dolo aghukhemi kisheluveno panongu pelo panongu ki hokumxalo iqhoiqi aghu khe apenike kisheluve lopi pive.

JOB 1:1

Khaghi Uz ghakhulo Job ipikeu ache. Paye Alhou sumsa kemi eno tichetighemi kumo ikemu akumzumi eno lhoksakugha lono tsughuve chekemi.

LESHELE 101:6

Khunono Alhou ghokulu shi cheni keno ino tipaqo shikumto nani, eno panoqo pelo ikuka kilo xupe nani. Khunono thwokhalo amikucho keno iqelupe nani.

IPEKULU 18:21

Ikemu tinguno alauno, pilu shilukemi khami kishelu puzu timiqo sakiphemi shipenike susu kepue: 1000 sakiphemi, 100 sakiphemi, lhopungu sakiphemi eno chighi sakiphemi ishi. Panonguye Alhou sukumsami, pukhubekulumi eno tuqhouno kulugho chumo kemi shimasake.

DANIEL 6:4

Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.

AKIKIHI 12:7

Ino iqeu Muse putsa chekeuye pakuta keu ghola lono ke; ino iwu timi Israilmi kumtsu pesu pa qholo qhipe puani.

MATTHEW 24:45

“Tishiaye, khuno pukhubekulu eno alokutsu qeu kya? Paye pa mipeuno pa pelo aqemi kutamiqo peitha peniye qhike, tipaqo ado achipi lono kuchukusho tsupeniyeke.

MATTHEW 25:21

Pa mipeuno pa vilopi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

1 Kor. 4:2

Ike khunoqomi pelo peitha kutsumi shipepuani keno panoqoye pukhubekulumi shi aghimaye sake.

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.