NEHEMIA 5:9 - BAIBEL (BSI)

⁹ Tithiu ino pi, “Nonguno kiu shi ani keno tiye kuqu anie! Nonguye Alhou msa kepue eno kiu achipi keno shikepue. Tishi aye nonguye nighumi Judakumomi pelo kiu lonomu ningu thaigha pemo nike.

Sumi Naga CL (Re-edited) Bible (BSI)

⁹ Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

NEHEMIA 5:9 Iomraidhean Croise

ACHINE 25:36

Pa lau akighishe kiumu khukevilo ikemu Alhou sumsalo eno Israilmi akusami pelo ophivilo xuache pelo.

1 Peter 2:12

Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

SAMUEL AKINIU 12:14

Ikemu nono AMPEU lau aphikumqhupu kumla piyeveke ghenguno onuye thive nani.” Tishino Nathan ye akilo wove.

Titus 2:5

alikhi aghasulu muqhamiqhiyilu, akibolo anipu kivi shilu, agholauno peithalu, pututa kimi qhoqhu gihulupe ishimasae. Tishianguno Alhou tsape shichekeu hu timi khunomu pipusamo nani.

1 Tim. 5:14

Ikehu niye topu lhothe chimemi pelo kulauvepe nishi, atianuli auvepenishi eno akibo peithauve penishie, tishianguno ni ghumi pelo ni lhoksa pipemo niyeke.

Rommi 2:24

Kughengu kuchoyesulo ishi yepuakeuno, “Nongu Judami ghenguno Judakumomi no Alhou je thaigha chenie.”

Apostolmi 9:31

Ike Judia, Galil eno Samaria qha kumtsulo akukuhouye iquneikeu do sholu ae. Ampeu sumsakeu lono hiye mutokithe eno azuu hawolu eno Aghungu Kimthe kukuphu lono alau thuwuae.

EZEKEL 36:20

Panonguno wukeu-a kumtsulo ije kimthe pipusakeu sughicheke, kughengu kutamino ishi picheke, ‘Timi hipaqoye panoqo Lhou no pano tsukeu yeghi qhive kepushiveke.’

AHOLE 24:23

Alokutsumino hipaqo ghi pipe puatsuake: Kughakuthami lakhino agi jukeuye alomoe.

AHOLE 19:2

Akighithi kuhano aghuiloqhiye amlotsu keuye akivi kumoe, ngosumla keuno akupunalo osailove nani.

AHOLE 18:5

Pimivekemi saphuveno pimimokemi pelo kuchou xakutha ithumlave pekeuye achipi kumoe.

AHOLE 17:26

Pimimokemi pelo asukuchu tsupekeuye achipi kumoe; timi kivimi ghimeqhi keuye kuchou xakutha shipusave anike.

AHOLE 16:29

Hekiqhi bukiqhimiye pa kusami pishiqhi sawuve cheni eno akuxu pukhule keulo sawu cheni.

NEHEMIA 5:15

Izuu ahng shi ikighimiye timiqo ghimeqhi cheke, achuqupu eno aji ghenguno atsalalo tsandiyi lhobidi khuche. Panongu qemi thotsu timiqo qhasupe acheke. Ikemu niye titoi shimoe, kughengu niye Alhou msa che.

NEHEMIA 4:4

Ino ishi inikhu, “O Alhou, panonguno ni thaigha junuqhi akeu inijulo! Panongu tsa lhoksaqo panongu kutsu shou ikuve pelo, panonguno akeu thaqhu suxaluve pelo, panonguye akughushi sasu inaghami yeghilo wuve pelo.

SAMUEL ATUGHIU 2:24

Inuliqo, tavelo! Hiye ighono amlo ghimepuke, AMPEU wu timiqono hikithipu shi akeuye ighono muza ke.

BOTHUBO 42:18

Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo.

BOTHUBO 20:11

Abraham no ishi khocile, “Hipa-a loye Alhou sumsachekemi khumu kuha eno inipu luveni aye iheqhi pithive nani kepi ino kumsuveke.

NEHEMIA 5:10

Ni, ikusamiqo eno iqemiqo launo timiqono pisa eno athi nalu puani. Itehi ninguno panongu lau akuna kighishe qhive tsuni.

LESHELE 90:11

Timi khuno ologhu kighide kumtsu puju akya? khuno oxukighideno akumsa sughikeu ithi ani kya?