NEHEMIA 4:3 - BAIBEL (BSI)

³ Tobia no pa phivilo puthugho no pikuqha ghi pi, “Panonguno kiu toi keu kupuwu mlalunia? Sher lakhi nomu tukuluve nanike!”

Sumi Naga CL (Re-edited) Bible (BSI)

³ Ammonmi Tobiah no pa phivilo puthugho no pi, “Iyei, panongu no kiu kupuwu mla luni keapi, aghalo tsü nomu iku aye atu kupuwu tulaqhive tsü nani!”

NEHEMIA 4:3 Iomraidhean Croise

KUKAMI ATUGHIU 20:10

Benhadad launo sughikeu pi ighi: “Ino timi kumzapushi saghino ophughi hipau shipusave tsuno panongu u lo akughupu thime akeqo pewuvetsuni. Tsala ino tishimoaye alhouqo pelono iheqhi vepelo!”

KUKAMI ATUGHIU 20:18

Tileno pano ahza tsu, “Panonguno aghushiniye cheghina, kulakishi tsa piniye cheghi namu akuxuno panongu kugha saghilo!”

KUKAMI AKINIU 18:23

Ino akukau jelono nongu sasu alhi kughanishi ani. Ino khurshi 2,000 nongu tsunike tile ikuno sawunikemi timi phulu nanima!

NEHEMIA 2:10

Ikemu Bet Horon taun lo Sanbalat eno Amun ghakhumi ofiser lakhi Tobia ipikeu pamano chilu keuno timi khami Israilmi kivipu ghenguno mlaniye ighi ani pikeulo panonguye ighono amlo shimove.

NEHEMIA 2:19

Kughou Sanbalat ngo Tabia eno Arabmi Geshem pano kuthuno ni kukughuqo ithive keno panonguno ni junuqhi eno ishi pi, “Nonguye kiu mla anipi kumsu ania? Nonguye akukatou hebideniye ani keshea?”

NEHEMIA 6:1

Ninguye khagho laghilo khaghoqo mlalu mphiamu Sanbalat, Tobia, Geshem eno nighumi kutamiqono ninguye akupuwu hu mlaqhive pi chiluve eno mlamokeu do kuhave api chiluve aghi.

AKUMLO 5:18

kughengu Zion toghiye piyighiveno yenguyelei kehu eno tungtughano tipau ixapinyi akeu katha iqho iqi anike.

ZAKINIU 23:3

“Amunmi momu Muabmi momu panoqo polo kughukomiye tiqheli achighiu kutolo pinamu AMPEU wu timiqo gholo kihisu kuqha kevilo.