NEHEMIA 4:2 - BAIBEL (BSI)

² Pa kusami zulo eno Samaria ghushimi qo zulono pi, “Hi miqemileyikemi Judamiye kiu shi aniepi kumsu ania? Panonguye aphughi shikitheveniye shiju anike sha? Panonguno aghakishiqo pe tsukeuno akumla hu tsala lakhino shiqhive lunani pi kumsu anike sha? Panonguye xinexugha mqo kipti lono aki kishipu tu mla phelu nani ke sha?”

Sumi Naga CL (Re-edited) Bible (BSI)

² Pa thiküzümi ngo Samaria ghüshimi zülono pa no pi, “Hi miqemlei kemi Jewmi ye kiu shi anie pi kümsü ania? Panongu ye pano sala shiqhe niye ani keo? Panongu ye aghashi nani keo? Panongu ye atsala lakhi lono shiqhilu nani keo? Panongu ye xine-xigha kiptia lono aki kishi tu mlaphelu nani keshea?”

NEHEMIA 4:2 Iomraidhean Croise

EZRA 4:4

Tileno tipa yeghilo xuakemino Judami mlo shikuloti tsu eno panongu pelo aki shimove peniye panoqo shikumsake.

NEHEMIA 12:27

Kughou Jerusalem phughi kupuwu shikimthe keno Levimi a-a kututalo akemi saighi eno panongu pelo shikimthikeu leqo alebo eno akighilebo lono ale phepe shikimthe ke.

NEHEMIA 12:43

Tipa tsalani aghakishi kutomo pesu tsuke eno timi qono alokivino chhitoi ake kughengu Alhou no panongu loshipivi tsu ake. Totimi ngo atinuliqo ghi tipau pinye lo sukuqha no asutsa mubumughu ake hu putou ghi panoqo sutsa chiluke.

NEHEMIA 4:10

Juda lo timiqono ale lakhi phekeu ani: “Ninguye ape kimshi pukeno lhovae; Xinexugha peve kepu kutomo anie. Ninguye ishino kishi akupuwu mlaluni kya?”

NEHEMIA 6:15

Atsala lhopungu kini mlave kethiu akupuwu kumla kumtsu Elul qhi atsala muku apungunino mlaqhive.

LESHELE 83:4

Panonguno ishipi, “Ighilo, ningu pano shiayeh kutsaveni, tishianguno Israilmiye alhokupujulo kumsumavenike.”

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 33:24

“Timiqono hishi pi akeuno ino Israil ngo Juda pama, hi akibo kini kisheluve keu pamaye ino pevea kepi timiqono kishi piani keno nonguye ithiama? Ikehu panonguno iwu timiqo shou mithi keu lono jupuku cheni eno panonguye ashiayeh lakhi kepi kihi chemoke.

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

HABAKUK 3:2

O AMPEU, nono kiu mlaveakeno ino chiluvae, eno niye apuchopungovae. Itaghi ni ghulokilo ghi nono akumzapu kumla kije shichekeu shitsulo. Nono aloghu ide akelo pinamu kupuqhiyilo.

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ZEKHARIA 4:10

Kungumi huno ivilo pi, “Akulubo tsuni huye AMPEU nhethi tsuni ayeghiqha kumtsu shou jupuku achekeuke.” Panonguye aghuthi suveke kughengu aki kishi kumla kititi likhi shiluke. Ikemu Zerubabel no ngovemo puzu Achineki shi akeu panonguno ithulu nani eno panonguye alovive nani.”

1 Kor. 1:27

Ikemu asuqekighithimi shikukujo nikehu ayeghilomino aghuzu nikha kepi pichekeqo Alhou no puthaputsano kishelue; eno akumtomi shikukujo nikehu Alhou no puthaputsano ayeghilomino tomo-chhimo kepi pichekeqo kishelue.