NEHEMIA 1:6 - BAIBEL (BSI)

⁶ Ilau jupuwolo, O AMPEU eno ikighini initsulo, kughengu ino putho pucho oqemi Israilmi ghenguno khu anie. Ino piphe anie, ningu Israilmino pimivae. Nipuasuqo eno ino pimivae.

Sumi Naga CL (Re-edited) Bible (BSI)

⁶ O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

NEHEMIA 1:6 Iomraidhean Croise

KUKAMI ATUGHIU 8:30

Ikighiniqo eno owu timiqo kighini kughouno panonguno akumllaki kudau juno inikhuni keno kungugha ki lono inijutsuno ni kipimi qhitsulo.

KUKAMI ATUGHIU 8:47

owu timiqo kighini chilutsulo. Tsala khile panongu kugha sasu wuvekeu ghakhu a-lono amlo xaideghiluno ovilo inikhu, axine lono kishi lhoksakugha shi xuighivekeno tipaqo piphe aye, O AMPEU, panongu kighini chilutsulo.

YEKIKITHI AKINIU 28:10

Itehi nonguye Jerusalem ngo Juda lono saghikemi kiptimi totimiqo pesu nongu qemi shiniye kumsu akhani ke. Nongu ghi AMPEU nongu Lhou shou axine shipuani kepi mtha kesha?

YEKIKITHI AKINIU 29:6

Ningu puasu ye AMPEU ningu Lhou lau pukhukulu shimove ke eno pa mlo qimo kepu kiu keno tipau shiuve ke. Panonguno pa qhive eno pano khilehi ngo cheni keno ti kudau azupo kugho puwove ke.

YEKIKITHI AKINIU 6:40

‘Itehi, iLhou, ningu lau julo eno hipa alo akighini laju keu hu chilutsulo.

EZRA 10:1

Kughou Ezra no akipimi piphe qaghi Israil Lhou zulo itsaiqi akighini shi akeno kiptimi, totimi eno itimi kumzapuno suhope pa gholo mlo qasue.

EZRA 10:11

Tishiaye itehi nonguno AMPEU nongu Lhou zulo axine piphevelo eno pa pulou shilo tipau yeghilomi launo kututa shivelo eno inaghalimi sasu ixavelo.”

NEHEMIA 1:11

Itehi ikighini chilu tsulo eno oqemi kutami ogihu nishi akemiqo kighini initsulo. Ishino ni oqeu pelo tolu pelo eno akukatou Ahaserus pelo ikimiyelu pelo.” Tipa ghulokilo niye akukatou wu ajukhu kipeu shi ache.

LESHELE 102:17

Pano pawu timi phevekeqo kighini initsuni, eno panonguno qhuiniju keu pevetsumo nani.

LESHELE 106:6

Ni puasuqo toi ningu ghi axine shiveake; ninguye kixikila eno alhoksake.

LESHELE 130:2

Ighugha chilutsulo, O AMPEU; ikuphupe nike ino okukeu initsulo!

LESHELE 32:5

Tileno ino ixine ovilo pipheve eno niye ino shipimivekeu kusuvemoe. Ino AMPEU lau ixine piphe nikeu shi xathaluve, tileno nono ixine kumtsu pevetsu.

LESHELE 34:15

AMPEU no amikuchomi jukuto acheni eno pa ghugha initsu cheni;

LESHELE 55:17

Ino putho pucho pa vilo muchho khua nani eno pano isutsa chilu nani.

LESHELE 88:1

O AMPEU, iLhou, ino puchouno ikuphupeniye igha okuke; putholo ino ozulo ighamukuke.

ISAIAH 6:5

Tileno ino pi, “Ighenguno ahakusapuake! Niye puhaveniake! kughengu niye akichi mithemokemi ke eno niye akichi mithemokemi gholo xua chenike. Ikeghi, inhethi ampino Akukau, aqokitikhi MPEU ithuluveake!”

AKUMLO 5:7

Nipuasuqono axine shiveke ikemu panonguye kuhavae eno ningu pelo panoqo xine ghenguno ime anipeke.

DANIEL 9:15

“O AMPEU niLhou nono Ijip lono owu timiqo sasu ipeghi kelono okuka pephe piyeke, eno okukaye itehi kutolo kumsulu aphi. Nino axine shive, nino pimive.

DANIEL 9:20

Ino wuno akighini shia, ixineqo eno iwu timi Israilmi xineqo piphe, eno AMPEU vilo pawu akimthe chineki nitsu chileve tsulepi qhuinijua.

DANIEL 9:4

Ino iwu timiqo kipimi pipheghi AMPEU iLhou vilo inikhua. Ino pi, “AMPEU Alhou, noye ighono kije tighenguno ino ogihu cheni. Noye owu puloshoqhi atho shi pecheni eno khunoqomino okimiye cheni eno ozah kutsu shikupu cheni keno tipaqo lau iqemokeu kikimiye piye achenike.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

DANIEL 9:8

Niwu kukamiqo, ayehkipemi nipu nisuqono akukujopushi ozulo axine shiveke, AMPEU.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

Luke 2:37

no chimekeu ampe lhotache bidi shia. Liye achineki phemono putho pucho akukhu akighini shi Alhou mlla ache.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

1 Tim. 5:5

Khuuno kuchouno chimemi keno eno li tucho hejukemi kuhakeno liye Alhou shou lajupu bepeauvae eno putho pucho Alhou pelo kuphutsupenike akighinishi khu acheni.

2 Tim. 1:3

Ipunoqo toi imlo mutsumisheyi shipuzu ino qechekeu Alhou shikimthi ani kughou ino akighini shinikeno tamono okumsulu ghi pa shikimthi acheni.

1 John 1:9

Ikemu ninguno nixineqo Alhou vilo pipheluaye, paye pukhukulupu eno achipiu shi cheni, pano nixineqo pevetsu nani eno alhoksa kumla kumtsu launo nishikimthe nani.

SAMUEL ATUGHIU 15:11

“Saul pelono akukau shilu pe keuye imlo savae; paye ilauno tsughuvae eno izah kutsuqo hebidevae.” Samuel ye agha ideve puzu putho kupuju AMPEU vilo qhuiniju ae.