MATTHEW 4:3 - BAIBEL (BSI)

³ Ghukujuu no pa lau ighino pi, “Noye Alhou Nu ke aye atu hipaqo vilo asho ilhove lopi ahza tsulo.”

Sümi Tiqhelimi Bible

³ Tüghami hu no pa lau ighino pi, “Nono Alhou Nu shi aghí aye, atu hipaqo vilo asho ilhovelo pilo.”

Sumi Naga CL (Re-edited) Bible (BSI)

³ Tileno ghukujuu no ighi no pa vilo pi, “Nono Alhou Nu shiaghi aye, atu hipaqo pesü asho kughulhoveni keu za tsüju lo.

MATTHEW 4:3 Iomraidhean Croise

IPEKULU 16:3

eno pama vilo ishi pike, “Ijip lono AMPEU pelo ningu heqhi pithive keumu pavi nicheke. Tilauye ninguno chunishi ke thaqhu ashi chulu eno achuqupu jeli chuluni cheke. Ikemu nokujono asayeqha hipaulo ningu pelo akhuavashi puzu thive penike sa ipeghianike.”

MATTHEW 14:33

Ashukalo akeqono Jisu sheqheghi ishipi, “Kuchouno noye Alhou Nue!”

MATTHEW 16:16

Simon Pitor no ishi khochile, “Noye xuakeu Lhou nu Mesiya ke.”

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

MATTHEW 3:17

Tile kungugha launo asutsa lakhino ishipi. “Hiye iNu ino qhuyivulayi chekeuke, pa shou imlokiqi acheni.”

Mark 1:1

Alhou Nu Jisu Khristo wu Lokivipu sutsa huthutughu shikeu hike.

Mark 3:11

Kughou tughakusa alolo akeqono Jisu ithulu nikeno, panonguno “Noye Alhou Nue.”

Mark 5:7

eno asutsa kumgha lono ighaghi pi, “O Jisu, shishe Akiqheu Lhou Nu, noye ikughape kiu shivetsu niye ani kya? Alhou jekuno ino ovilo iniju anike, ishikighime kevilo!”

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

Luke 22:70

Panongu kumtsuno pi: “Ike,noye Alhou Nu keo?” Pano panongu khochile pi: “Niye tikepi nonguno pie.”

Luke 4:3

Tughami huno pa vilo pi: “Nono Alhou Nu keaye, atu hipau ahza tsuno asho kughulhovelo.”

Luke 4:41

Tughami ghi timi kutomo launo ipeghino ighae, “Noye Alhou Nu ke.” Ikemu Jisu no panongu lomi pi eno panongu pelo atsa pipemo, kughengu tughamino paye Mesiya kepi ithiakehu.

Luke 4:9

Tithiu Tughamino Jerusalem lo pa sasu wu eno achineki kutsuqalo pa kughuqa, eno pa vilo pi: “Nono Alhou Nu keaye, olikhi okutoshi hileno ilheqivelo.

John 1:34

Ino ti ithuluvae eno nongu vilo ino ashepe shitsu anike paye Alhou Nue.”

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 9:35

Panonguno pa haphevea pikeu Jisu no chilu, eno pa phuwuno pa vilo pi, “Noye Timi Nu shou pulube ani ma?”

Apostolmi 9:20

eno vejoi Sinagog lo wupuzu Jisu ghili pesu asheshuthuve. “Paye Alhou Nu ke,” ipi pano pi.

2 Kor. 1:19

Kughengu Alhou Nu Jisu Khristo pesu nongu gholo Sila, Timothi eno isheshu huye “Iye” “Moe” ipikeu tsa kumoe, ikemu Alhou no “Iye” ipikeuye pake.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

1 Thes. 3:5

Kughou ino pumla kutuve keno nongu kupuluye kiu qhemilo anikeno ithiniye eno ghukuju-uno nongu ghuju sawu eno nino ichhe ime mlapuakeu adou shivenosa kehu Timothi nongu lau puwue.

IBRIMI 12:16

Esao toi alhoksa eno achineyeh kumtha shive nosake kutokupuyilo. Paye kichi lakhi chuqupu ghenguno anoghiu mheghi jeveke.

IBRIMI 4:14

Tishiaye ninguno pikiphe shichekeu kupulu hu mutotoi tsuqupe ani nolo, kughengu ningu chinetou kije lakhi ani, Alhou Nu Jisu ke, paye kungughalo wuvae.

IBRIMI 7:3

Melkhizedek ye apuaza kuha, alagha kughuko kuha, pa kuxu shekha momu pa kuxu bothu eno pa kuxu shekha kuhae. Ikemu Paye Alhou Nu kimihike, paye alhokupuju ghenguno achineu lakhike.

1 John 3:8

Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.