Luke 4:2 - BAIBEL (BSI)

² tilehi atsala lhobidi dolo paye Tughamino ghuju ae. Tipa dolo paye kiumu chumoe eno kughono hipaqo ashekha shive keno paye mzuthive.

Sümi Tiqhelimi Bible

² tile tüghami no atsala lhobidi pa ghujue. Tipau tsalà dolo pa ye kiumu chu-shomoe, ikehu hipaqo tsalà ashekha shive kelo pa ye müzüthive.

Sumi Naga CL (Re-edited) Bible (BSI)

² tilau tüghami no atsala lhobidi ghujua. Pa ye tipa tsalaqo tivilo kiumu chumove kehu kughou tipau do kishekhave keno pa ye müzüthive.

Luke 4:2 Iomraidhean Croise

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

KUKAMI ATUGHIU 19:8

Elija no ithughiveno chu-sho luve eno alibe pa tsukeu no pa ghenguno atsala lhobidi kutolo akumto shiluno chewo Sinai akimthe toghi tolu.

ESTHER 4:16

“Wulo eno Shusa phughilo Judami jeli hekutsulo eno nonguye tsala kuthu ighenguno putho pucho chumo shomono kumvulo titoi ni eno igholo ilimi aqemiqo ghi tishini eno ayezah kiqilo kumomu ino akukau lau wuni eno pithive kepushi namu thiniake.”

IPEKULU 24:18

Muse no naghutolo khungkusulo ilove. Tilehi paye putho pucho atsala lhobidi tilau ngove.

IPEKULU 34:28

Muse no atsala lhobidi putho pucho kiumu chu shomono AMPEU sasu ngove. Pano atu pha shou puloshoqhi tsa, Ahza Chighiyepuku ke.

JONAH 3:7

Pano Nineve lo akemiqo lau ishi asheshu wupe, “Hiye akukau ngo paw kijemi launo tsukeu zah ke. Khunomu kiumu chushomla, timi ngo pichepighi kumtsu chushopemo nike lakha ani.

MATTHEW 21:18

Inaqheno aphughilo idesu wuchekelo, Jisu ye muzuthive.

MATTHEW 4:2

Paye putho-pucho tsala lhobidi achuqupu chumono ae, ikehu Jisu ye shishe mzuthive.

Luke 4:3

Tughami huno pa vilo pi: “Nono Alhou Nu keaye, atu hipau ahza tsuno asho kughulhovelo.”

John 4:6

Jakob no chhusukeu zukikhe tile ae, ike Jisu ye alache chekehu akulhoshive puzu azukikhe phivilo iqa ae. Tiye pucho-mughu shiae.

ZAKINIU 9:18

Tishieno itaghi AMPEU gizulo iqi pishiqhope pucho tsala putho tsala lhobidi kutolo ihozuke eno kiumu chu shomoke. Ino hipau shikeuye nonguno AMPEU shou axine shive eno pa pelo aloghu idevepe kehue.

ZAKINIU 9:25

“Tighenguno niye AMPEU zulo putho tsala pucho tsala lhobidi iqi pishiqhope ihozuke kughengu paye nongu kutsaleve niye kutokeu ino ithive.

ZAKINIU 9:9

AMPEU no nongu sasu puloshoqhi shivekeu yepeqhikeu tu phaqo lunike ino naghutolo iqhoke. Tilau niye pucho tsala putho tsala lhobidi ngove eno kiumu chu shomoke.

IBRIMI 2:18

Kughengu pa ampino aghime shijuvae eno ghukuju sholuve akehu, paye ghukuju sholukemiqo kuphulu kepushi anike.

IBRIMI 4:15

Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.

SAMUEL ATUGHIU 17:16

Goliat no atsala lhobidi kutolo ina-kijili ipeghino Israilmi khu cheke.