Luke 3:3 - BAIBEL (BSI)

³ Pano Jordan sukumxa qha kumtsulo wuno asheshu ghi pi: “Xukitheno baptiz shilulo, eno Alhou no nongu xine pevetsu nani.”

Sümi Tiqhelimi Bible

³ Pa no Jordan ghoki sükümxa kümtsü lo wu eno amlo pebideve püzü axiné qhikütsü ghenguno baptiz shive moayesa keu kütsüe.

Sumi Naga CL (Re-edited) Bible (BSI)

³ Pa no Jordan sükümxa kümtsü lo axine qhivetsü penike xaide no baptiz shimasa keu tsa pesü sheshu wu.

Luke 3:3 Iomraidhean Croise

MATTHEW 3:11

Niye azu pesu nongu baptiz shitsu cheni, tiye nonguye axine lono Alhou lau xaide ghiveapi piyekeu ke, ikemu ithiu milakhi ighini akeuye Aghungu Kimthe eno ami pesu nongu baptiz shitsu nani. Paye inguno shishe akijeue; niye pa pukhu kuqho mu petsu kuzupu kumoe.

Luke 1:16

Pano Israilmi kutomo panongu Lhou Ampeu lau saideghi tsu nani.

Luke 1:77

Apuo, noye Alhou Akiqheu wu tungkupu lakhi ipi kuni kughengu nono Ampeu zuu wuno pa laghi kutope puaghi tsu nani,

Luke 4:1

Jisu ye Aghungu Kimthe no chhitoi puzu Jordan lono xaideghi, eno Aghungu no aghasalo sawuve,

John 1:28

Jordan nguno hukudau akeu Bethani lo khilehi Johan no baptiz shitsu akeno tilehino hipaqo kumtsu shike.

John 3:26

Ike panonguno Johan lau wupuzu pa vilo pi, “Rabi, Jordan tuxau akelo milakhi ogholo akeuhu eno nono timi tipau shepe shitsu akeu hu, paye itehiye timi baptiz shitsu ani eno timi kumtsuno pa lau wuve anie!”

Apostolmi 13:24

Jisu ighinike zulo, Israilmi kumtsu vilo xukithelu puzu baptiz shilupe nike Johan no asheshue.

Apostolmi 19:4

Paul no pi, “Johan no baptiz shitsu chekeu huye timi khunoqono xukithelu akeno tipaqo ghenguno ke. Pano timiqo vilo pichekeuno, pa thiu milakhi chekeu shou pulubelo picheke, ike tiye Jisu pi ake.”

Apostolmi 22:16

Ike noye kiu khe ani kya? Ithu puzu paje lono baptiz shiluveno oxineqo qhuvelo.’