JOSHUA 7:9 - BAIBEL (BSI)

⁹ Kananmi eno ayeghiqhalo kuamiqono ti chilunia. Panonguno ni botha luveno ni pithivenia, noye oje kipipu ghenguno ni lau kiu shinia?”

Sumi Naga CL (Re-edited) Bible (BSI)

⁹ Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”

JOSHUA 7:9 Iomraidhean Croise

LESHELE 115:1

Olau likhi, O AMPEU, nilau kumono olau likhino akimthe jekipi tsumasae tiye owu iqemokeu kikimiye eno amikucho ghengunoke.

LESHELE 48:10

Aqha kumtsulo timiqono osheqheke, eno ojekipino ayeghi kumtsulo nhakhawoke. Oyehkipeye amikucho likhike;

LESHELE 79:9

Ni kuphulo, O Alhou eno ni xalulo, ni sunhephelu eno oje kivipu ghenguno ni xine peivetsulo.

LESHELE 83:4

Panonguno ishipi, “Ighilo, ningu pano shiayeh kutsaveni, tishianguno Israilmiye alhokupujulo kumsumavenike.”

LESHELE 83:5

Panonguno kuchughukelo kumtsu no pulokuqha ani eno oshou amlo lakhi shipesu ani:

IPEKULU 32:12

Kushiye Ijipmi pelo nono owu timiqo Ijip lono saipe puzu naghuto lono panoqo qhoi kutsa venike akupughu shike ipi piapeni kya? Ologhu idetsu kevilo; okukumsu kilive tsulo eno owu timiqo shou kutsa kungo keu puwutsu kevilo.

EZEKEL 20:9

Ikemu niye tipau tishimoveke ino tishive keaye ije kusapu shiveni cheke kughengu panonguno timi khunoqo gholo xuache keno tipaqo zulono ino Israil vilo niye Ijip lono panoqo sasu ipeveni cheni kepi asheshuveke.

JOYIL 2:17

Achinemi, akumlla kiptia ngo Achineki hukikha dolo AMPEU qe achekemino qanimlo ishi inikhu masake, “AMPEU, owu timiqo shou amlo ighiqhiyikeu atsulo. Ashiayeh kutami pelo nijukunatha eno nithaigha pekevilo. Eno nivilo, ‘no-Lhou khile ani kya?’ ipi pekevilo.”

MICAH 7:10

Tile nighumi qono tipau ithulu puzu kujove nani, ti nighumi, ni-cheqhi puzu nivilo, “No Lhou AMPEU ye khile ani kya?” ipi inijue. Panoqo shou toluvekeu eno panoqoye alaghilalo aniba toi neda qodakeu nino ithulu nani.

AKIKIHI 14:13

Ikemu Muse no AMPEU vilo pi, “Nono okuka lono timi hipaqo Ijip lono saighike. Nono owu timiqo shou kiu mlakeno tipau Ijipmi no chilukelo

John 12:28

O Apuh, oje kipipu shilulo!” Tileno kungugha lono asutsa lakhi ishi ighi. “Niye ajekipipu shivae eno itaghi ajekipipu shi nani.”

ZAKINIU 9:28

Tikumoaye, Ijipmino noye owu timiqo sasu nono panoqo tsunikeu shi tushoqhive keu yeghilo sawumlavae ipi nanike. Nono owu timiqo pithiveni aye asayeqha lo panoqo sawuke kughengu nono panoqo mithi chenike ipi panonguno pinanie.

JOSHUA 7:10

AMPEU no Joshua vilo pi, “Ithulo, noye kushi ye hitoi ayeghilo zu ania?

JOSHUA 7:8

O AMPEU, niye kiu shilepi kya? Israilmino aghumi zulono shothi ighivae.

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.