JOSHUA 7:26 - BAIBEL (BSI)

²⁶ Panonguno atu tipa alo kumqo puakeu ishi kutolo ani. Tighenguno a-a tipau je pe Akupuna Khila ipi picheni. Tileno AMPEU ye ayisamove.

Sumi Naga CL (Re-edited) Bible (BSI)

²⁶ Panongu no pa shou atu kümzapu gheqhepe qhive eno ti ye ishi kutolo acheni. Tithiu no Ampeu no pa xukighide iqüve. Tighenguno ishi kutolo a-a tipau pesü Achor khila ipi cheni.

JOSHUA 7:26 Iomraidhean Croise

SAMUEL AKINIU 18:17

Panonguno Absalom sukumo pesu aghasulo aqoh thonhei keulo vesuveno atu kutomo kichepewo tipau veqape qhive. Israilmiye kumtsu pututa sheamzulo pututa ki phususu pokhave.

SAMUEL AKINIU 21:14

Tishino Saul ngo Jonathan pama saghiye suwo Saul papu Kish kumokilo qhove, tiye Benjamin lughi phivilo Zela aloke; eno panonguno akukau zah kutsu kiqi lono kumtsu tishi mlavetsuke. Tishive kethiuno Alhou no panongu no aghakhu ghenguno inikhu akeu khochiletsu.

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

EZRA 10:14

Ningu shou kijemi qono timi kumtsu ghenguno puthughono phuju pelo, khunono inaghalimi lukeno kihikutha dolono aphughilo atsa kukughami eno kichimi sasu ighi pelo, lakhi khi tsa kughathaveno Alhou loghu kumsapu nilau ide ighi mphi lono hipau tsa xathave pelo.

LESHELE 85:4

Ni xukithe tsulo! O nixakuluu Alhou, eno nilau aloqimono achekeu tavelo!

IPEKULU 32:12

Kushiye Ijipmi pelo nono owu timiqo Ijip lono saipe puzu naghuto lono panoqo qhoi kutsa venike akupughu shike ipi piapeni kya? Ologhu idetsu kevilo; okukumsu kilive tsulo eno owu timiqo shou kutsa kungo keu puwutsu kevilo.

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 65:10

Panonguno imlla nani eno panowu bheri ngo amshi sawu puzu kulolau Sharon Khilalo eno kipelau Kupuna Khilalo achukmza nani.

AKUMLO 3:53

Ni akuxu aphi lono panonguno aqohlo ivesuve eno atu pesu tipau kichi qhoveke.

HOSIYA 2:15

Ino itaghi atsayilu li tsuchileni cheni, lino achekeu hu eno Akupuna Khila pesu lajupu hukikha lakhi shitsu nani. Lino lhothemi shiakelo, tiye lino Ijip lono ipeghike ghulokilo iputsa ketoi lino tilauno itaghi iputsa chile nani.

HOSIYA 2:17

Niye li pelo khilemu Baal jeku kithe move pe nani.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

JOYIL 2:18

Tileno AMPEU no pa yeghi ghenguno kumsujutsu; eno pawu timiqo jupe amlo ighiqhive.

JONAH 1:15

Tithiu panonguno Jona khapeqhe puzu azughilo pa vesuve eno paikhavino azughiye iquneive.

ZEKHARIA 6:8

Tileno kungumi huno ighamuku ivilo pi, “Khurshi ahuu Babilon kudau wukeu hino AMPEU xukighide vekumtshave tsuae.”

AKIKIHI 25:8

aphikilo akiptiu ngo atotiu pama papesu ilo no angupa pesu pama chheda kuqhave. Hitoi shino kusakugha pusano Israilmi kutsaqhi akeu lono lakhalu,

ZAKINIU 13:17

Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

ZAKINIU 13:18

tiye panonguno ishi tsalalo pano ahza tsukeu kumtsu ino nongu tsukeu nonguno papelu eno pano shilo pikeu shilu aye, tishi tsu nanike.”

JOSHUA 10:27

Tsukinhe iloveke thiu Joshua no panongu kumo kuqhope panongu puzuu itshu akeu tukilo vesuvepe. Atu kijeje pe ikulolalo mikeve eno ishi kutolo tishi acheni.

JOSHUA 7:24

Joshua eno Israilmi kumtsuno Akhan ngo patianu, pa pighi jeli, amshi, gadaha ngo bheriqo pa pusho eno pano luvekeu aphi, shuna eno tsandiyiqo kuchopu khathaluveno sasu aghime khilaqalo wuve.

JOSHUA 8:29

Pano Ai kukau asu lono tshuqhive eno avela kutolo tishi puave. Tsukinhe ilove kemtsa pa kumo ikhiqhi penike Joshua no ahza tsu eno pesu pano phughi liwo khagho lo vesuvetsu. Panonguno atu kutomo kiche kumqo pe pa kumo shou bevetsu eno ishi kutolo tishi ani.