JOSHUA 7:25 - BAIBEL (BSI)

²⁵ Joshua no pi, “Noye kushiye aghime ningu tsukya? Itehi AMPEU no oghime niae.” Timi kumtsu no atu pesu Akhan daqhi pithive. Panonguno pa bolomighi daqhive eno anhemgha kuchopu pitivetsu.

Sumi Naga CL (Re-edited) Bible (BSI)

²⁵ Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.

JOSHUA 7:25 Iomraidhean Croise

BOTHUBO 34:30

Jakob no Simon ngo Levi pama vilo pi, “Nokujono ishou akupuna sughivetsuae. Kananmi ngo Perizimi hipa yeghilo kuami gholo ije kusapu nokujono shivetsuae. Igholo timi kutomo kuhake, panonguno hekutsu kumqo puzu ishou ighi aye ighiqhiveniae, nibolomi kumtsu pughavetsunia.”

BOTHUBO 38:24

Aqhi kuthua thiu Juda no chilu keuno pamukishiu Tamar ye kutuqhalimi toi timi sasu zupuzu anga mishi aniepi chilu. Juda no pi, “Li alaghi lalo sapeghi puzu pitiqhi pithivelo.”

YEKIKITHI ATUGHIU 2:7

Akhan Karmi nu, Zera kughukomi, Israilmi Alhou sumsa chekeu lo huno pano ghichhe ghime sughi tsue.

AHOLE 1:19

Suxakulumiye suxakulu lono thive cheni, khunono heqhibuqhi cheni keno hikithipu shive cheni.

AHOLE 15:27

Amikuchokumo lono kighisheluniye pukaputsa aye noye akibolomi sasu akupunalo ilove nani. Kulugho tsukeu lukevilo eno noye axushu nanike.

ACHINE 20:14

Timi lakhino totimi lakhi sasu kulau eno liza sasu kulau ishi aye pano kuthu kujo pitiqhi pithivelo kughengu panonguno kuthakughapu shikeu ghenguno; nongu gholo tikikhipu shipe kepu kumoke.

ACHINE 20:2

Israilmi vilo pipenike pi, “Nongu gholo momu inaghami nongu gholo xu akemi khuuno pa tianuli pesu Molek julho mllakeulo peitha peniye tsuni keno aqoaho kumtsu ghano atu pesu pa veqhivelo.

ACHINE 21:9

Achineu ngano kusalhalimi shive aye lino papu shiputha anike; liye pitiqhi pithivelo.

ACHINE 24:14

“Timi tipau ye ngochekeu-a lono saipevelo. Timi khijeno pano ghusho keu chilu keno tipaqono au pesu timi tipau kutsu shou bepuzu paye kuquve kepi ashepe shilo eno aqoaho kuchopu ghano atu pesu pa veqhi pithivelo.

Galatiami 5:12

Timi khunoqono nongu punaqhi anikeno tipaqo pelo pututa phighu pichive penishi!

ZAKINIU 13:10

Atu pesu pa veqhi pithivelo! Ijip lo nonguno aqemi shi ache kelono nongu xaphelu keu AMPEU Alhou launo pano nongu msu sawuveniye pukaputsake.

ZAKINIU 13:11

Tileno Israilmi kumtsuno kiu shive keno chilu nani; panonguye msave nani eno khunomu alhoksa tikithipu itaghi shimo nanike.

ZAKINIU 17:5

tileno timi tipau sasu taun lono khalau ipelo eno atu pesu pa veqhi pithivelo.

ZAKINIU 21:21

Tileno taun tipaulo kuamino atu pesu pa veqhivelo eno tishi keu lono alhoksa hipau shipuhavelo.Israil lo akemi kumtsuno kiu shive keno chilu puzu musave nanike.

2 Thes. 1:6

Kughengu kiuno achipi keno Alhou ye tipau shi nani: khunono nongu ghimeqhi ani keno tipaqo ghime nanike,

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

JOSHUA 6:18

Ikemu nonguno kutsavekeu nhemgha lakhimu lumo nani, nonguno luve aye nonguno aghime eno shiluksa Israilmi pusho alo sughi nosae.

JOSHUA 7:15

Timi khuu kichepheno pano ikhi luvekeu nhemgha phupheluni keno pa gholo pa kibolomi eno pa nhemghaqo ishi piti kuqhaveni, kughengu Israilmi shou akukujo kije sughike eno ishoqhi hephove tsuke.”

SAMUEL ATUGHIU 14:29

Jonathan no khochile pi, “Ipuye kiu lhoksa pesu niwu timiqo lau mla puani kya! Julepi, niye akhi ngozu chuve keuloye ighono alokithevae!