JOSHUA 7:21 - BAIBEL (BSI)

²¹ Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

Sumi Naga CL (Re-edited) Bible (BSI)

²¹ aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

JOSHUA 7:21 Iomraidhean Croise

BOTHUBO 10:10

Nimrod kukaqha atughuloye Babel, Erek ngo Akad tiye Shinar yeghi tipaqo kumtsu Babilon lo ake.

BOTHUBO 3:6

Atotiuno asuboye jukivipushi ithulu, tipau xathiye chukivipushi ithulu eno lino kumsu keuno alokutsu tsuluni keulo minemighe kepushi aghi. Ike lino axathi tipau xope chuve, tishino tipau xathi pesu li kimi tsu eno pa ghi ti chuve.

BOTHUBO 34:27

Jakob nuliqono ighieno pighiaghikeqo heqhie eno aphulo akulupu thaqhu luvetsu, kughengu panongu chepu shikuchhubeve tsukehu.

BOTHUBO 6:2

Alhou nu noqono totimi hipaqo ithulu eno juvi aghi kelauye, panonguno lunishikeu kishe sawo anipu shie.

SAMUEL AKINIU 11:2

Ghulo lakhi avelau David ye puchou zuano ithughi puzu akukaki kunguu amlhu kutufuniye iku. Pano tipau lo ikuno hula-hilau chewoghi akelono pano pishipuwo totimi lakhi li ki lono azu kuchhu aghikeu ithulu. Liye ighono ajukivi.

KUKAMI AKINIU 7:8

Kughou timi bidi huno aghazu kupunulo ighilukeno, panonguno aphiki lakhilo ilono tipaulo chuqu kusho kiu qhipuaghi keno tipaqo chu-sholuve, ipuzu tsandi, shuna eno aphimini aghikeu ikhilukhaveno xapu kusupe qhive; panonguye ide ighino aphiki kutaulo ilono puzuu toi shi.

JOB 31:1

Ino inhethi pelo ashoqhi shiveape, kushiye niye ilimi shou jupuku ani kya?

LESHELE 119:37

Ighenguno akivipu shiaghi namu nono piqhive ketoi ame kuhakeulo ilokumsu shipekevilo.

IPEKULU 20:17

“Noye kutami ki-alu jumine kevilo; momu kutami nipu, paqemi, patsu-aqu, pawu gadaha momu pawu kiu kiu aghi pinamu jumine kevilo.”

AHOLE 1:19

Suxakulumiye suxakulu lono thive cheni, khunono heqhibuqhi cheni keno hikithipu shive cheni.

AHOLE 23:31

Aji ajukhulo mlaghubeyi aghina, mutshaminheyi qoilo aghie pinamu aji huchuyi keuno omsuluve pekevilo.

AHOLE 28:22

Alikhi asala phukemiye paikhavino kinimi shiveniaye kelono aquaghano pa shou ikughive niaye akeu ghi mthave cheni.

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

ISAIAH 28:15

Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 29:15

Khunoqono panono kughupe puakeu AMPEU launo kusu veni keno tipanoye ahaksapuke! Panonguno kusuuno panono kumqu puakeu shi acheni, eno khunomu panongu ithuluni chemo momu khunomu panonguno shiakeu ithini chemo kepi kumsu acheni.

HABAKUK 2:9

“Nonguye puhaveni putsa! Nonguno heqhi buqhikeu lono ikhisughi keu pesu nokibolomi pelo kinikulu shipe eno nokiboqo shikupusa ngo akuyighupu sholu pemoniaye pukaputsake!

Luke 12:15

Panongu vilo pano pi: “Jukuto lo, alakimine jeli kumtsu lono nonguno kutokupui lulo, kughengu timi lakhi kuxuye pano kiu papushi kinimi shi aghinamu pawu kuakinino nibonilei aghikeu pesu kupukulai luve ake kumoe.”

Luke 12:2

Nhape puakeu kumtsu lhapheve nani eno kusu puakeu kumtsu ithive nani.

Ephesiami 5:3

Nonguye Alhou wu timiqo shivea kehu, shupu salha, mithekumo jeli momu alakiminepe khilemu nongu shou pipukupe kepu kumoe.

Ephesiami 5:5

Mutsuqheyino hi ithilo: shupu salhakemi momu mithekumomi eno alakiminemiye Khristo ngo Alhou kukaqhalo amheghi ithumla nani, kughengu alakimineye alhoayeh julho kumllami ke.

ZAKINIU 7:25

Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

James 1:15

Tileno pawu shinishi kutukeu lhoksano mishipuluve puzu axine punuqhi cheni; eno kughou axine chhikhoi thuwuveni keno akithipu sughi cheni.

JOSHUA 7:20

Akhan no khochile pi, “Iye tiye kuchouke, ino Israil Lhou zulo axine shivae eno ikumlaye hike.

JOSHUA 7:22

Tileno Joshua no timi khami puwu eno panonguno wuju kelo kuchouno apusholo tsandiyino aqhoshi qhopuaghi keu phulu.”

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.