JOSHUA 5:9 - BAIBEL (BSI)

⁹ AMPEU no Joshua vilo pi, “Ino ishino nongu launo Ijip lo aqemi shi akeu mlo ghime hu ikhive tsuae. Tighenguno tipa-a je pe Gilgal kutsue, aje tipau itehi ghi ani.”

Sumi Naga CL (Re-edited) Bible (BSI)

⁹ Ampeu no Joshua vilo pi, “Ishi no I no nongu launo Egypt lo aqemi shi akeu mlo ghime ikhive tsüae. Tighenguno tipa-a je pesü Gilgal kuvetsü, eno ishi kutolo ani.”

JOSHUA 5:9 Iomraidhean Croise

BOTHUBO 34:14

Ikehu panonguno pama vilo pi, “Ninguye ni chepu pesu aphighu yiko ghamokemi sasu kulaupe mlae, tiye ni ghenguno kuchhube kepu lakhie.

SAMUEL AKINIU 19:15

Akukauno pa lalo idewoche kelo Judamino Jordan lono pa sasu kusholu, panonguye Gilgal lono chesu pa saluniye aghoki vechesu ighikhake.

NEHEMIA 12:29

Bethgilgal, Geba eno Azmavet lono ighieno kumqolu.

LESHELE 119:39

Piputhakeu ino musa chekeu lono ixalulo; owu kughakuthaye akumzapuke!

JEREMIYA 9:25

AMPEU no pi, “Julo, khunoqono aphighu yiko ghakemi kemu puloshoqhi pechemo keno tipaqo kumtsu ino ghimeqhi nikeu ghuloki cheni.

EZEKEL 23:3

Pamano ilimi shi Ijip lo akelo pama lhotheye salha shupu keulo ilove; eno pamano atathe shi xuachekeu puhave.

EZEKEL 23:8

Ijip lono lino kusalhami lakhi shiuve puzu liye ilimi tatheshi xu achekeu puhavekeu hu tishi acheuve. Lino ilimi shiaphi lono timino li sasu zuke eno kusalhalimi lakhi shi li peithacheke.

HOSIYA 4:15

“Nongu Israilmino ilau pichebemla keu shiaghie pinamu, Juda pelo tipaphi shi kuqupe kevilo. Gilgal momu Bethel lo mllawu kevilo momu tilau akuxupu AMPEU jelono ashoqhi shikevilo.

ACHINE 24:14

“Timi tipau ye ngochekeu-a lono saipevelo. Timi khijeno pano ghusho keu chilu keno tipaqono au pesu timi tipau kutsu shou bepuzu paye kuquve kepi ashepe shilo eno aqoaho kuchopu ghano atu pesu pa veqhi pithivelo.

AMUS 5:5

Mllanike Bersheba lo wukevilo. Bethel lo iphuniye pukaputsa kevilo, Bethel ye kiumu shimlave nani. Gilgal lo wukevilo, tile akemiqoye piyighiveni putsake.”

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

ZEFANIA 2:8

Aqokitikhi MPEU no pi, “Muab lo ngo Amun lo akemi qono iwu timiqo pipusa eno panoqo theqhikeu ino chiluvae eno iwu timiqo yeghi luvetsuni kepi qheza ani.

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

JOSHUA 4:19

Timiqo aqhi atughiulo atsala achighinino Jordan lono ipeghi eno Jerikho lughi kipelau Gilgal lo aghazu shive.

JOSHUA 5:8

Ayiko ghatha khaveke thiu aqoaho kumtsu ghakuthaku vimphi kuto apusholo ngo a.

SAMUEL ATUGHIU 14:6

Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”

SAMUEL ATUGHIU 17:26

David no pa phivilo ngo akemi vilo iniju, “Filistiyami heqhiveno Israilmi thaigha akeu lono khaqhi phevetsuni kelo timi tipauye kiu ithulu nani kya? Hi ayekumthau Filistiyami pa khuukeno xukuau Lhou ghushimi shiptha shikukujo anikya?”

SAMUEL ATUGHIU 17:36

Oqeuye abongushuqo eno avaqo ghi heqhi puani, ikehu hi ayekumthau Filistiyau ghi tipaphi shivetsu nani, kughengu pano xukuau Alhou ghushimi thaigha ke,

SAMUEL ATUGHIU 7:16

Mpe atsutsulo paye Bethel, Gilgal eno Mizpa lo wuno a-a hipaqolo kiyimuto ipeghikeu kumtsu pano xathavetsu che.