JOSHUA 23:16 - BAIBEL (BSI)

¹⁶ Tsalatsa nonguno AMPEU noLhou no puloshoqhi pelopi ahza tsukeu pemove aye eno tsalatsa nonguno kutau lhouqo qe eno mllauve aye, pa mlo kighideno nongu shikighimeve nani eno kushuwa kumolo nongu lakhimu pano nongu tsuve keu yeghi kivilo ngo mlave nani.”

Sumi Naga CL (Re-edited) Bible (BSI)

¹⁶ tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

JOSHUA 23:16 Iomraidhean Croise

KUKAMI ATUGHIU 14:15

AMPEU no Israil ghime nani eno liye aghoki mukulo amtulibo sukini aketoi sukiniqhi nani. Pano ayeghi kivi khikhi pano puasuqo tsukeno tipau lono Israilmi nhuve nani eno pano panongu Eufrati hechesu apanagha puwukhave nani, kughengu panonguno asu-atu julho eno Ashera lhou liu mllauve keuno pa mlo shikighidevetsu.

KUKAMI ATUGHIU 9:6

Ikemu tsala nomu, olagha lono ighikemi mu ipapemove, tsala nono ayezahqo eno ino ahza otsukeqo hebideveno alhou kutau mllauve aye,

KUKAMI ATUGHIU 9:7

ino iwu timi Israilmi ino ayeghi panongu tsuvekeu alono hapheve nani. Imllapeniye a-a khikhi ino shikimthe vetsu akeno akumllaki hipau ghi phevetsu nani. Tithiuye a-a kumtsu lono timiqono Israilmi jukunathano pipusauve nani.

KUKAMI AKINIU 17:7

Samaria ikiqive keuye Israilmi no AMPEU panongu Lhou zulo axine shive, khuuno Ijipmi ulono panongu xaphelu eno Ijip lono khalacheu panongu sasu ipeghilupe keno. Panonguye alhou kutauqo mllauve

KUKAMI AKINIU 24:20

AMPEU ye Jerusalem lo eno Juda yeghilo kuami shou ighono pa mlo qimlaveno aloghu avekeu lono pano panongu kumtsu pa nhekithe lono hapupokhaveke.

ISAIAH 24:5

Timiqono Alhou yehqo hebidevekeu lono eno pano puloshoqhi alhokupuju achepe nikeu hepusakeu lono ayeghi kitiqeveke.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 32:24

“Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

AKIKIHI 33:56

Nonguno panoqo hapupovemo aye ino panoqo hapuponike pughuchho keshi ino nongu kutsaleve nanike.”

ZAKINIU 17:3

ti kutau lhou mlla eno qeuve momu tsukinhe ngo aqhi momu ayepuqo mlla eno qeuvekeuke eno AMPEU no ahza tsukeu hebide anike.

ZAKINIU 28:15

“Ikemu nonguno AMPEU Alhou hebide aye eno pano ahza tsukeu ngo ayezahqo ishi tsalalo ino tsuakeu nonguno amikucho shi pelumo aye alhoksa jeli hipaqo kumtsu nongu lau ikughi nani:

ZAKINIU 6:15

Nonguno kutau lhouqo mlla aye AMPEU loghuye ami toi nongu shou ighi nani eno qhoi nongu kutsave nani kughengu AMPEU nongu Lhou khuu nongu gholo ani keno paye pa suxakemi qhimo nanike.

XAKUTHAMI 2:14

Tighenguno AMPEU no Israilmi lau ighono axu ideveno suxakuchumi pelo le ighipe no panongu kuakini lipuwuve pe. Pano ghumiqo pelono panongu qhasuluvepeno Israilmi ye kiunomu panongu sushokulupu shimove.

XAKUTHAMI 2:20

Tishike lono AMPEU no Israilmi lau muqhu-mza axu ideveno pi, “Tiqheli hipauye Puloshoqhi khikhi ino panongu puasu vilo shilopi keno tipaqo kubovae. Kughengu panongu ye igholumovae,

SAMUEL ATUGHIU 12:25

Ikemu, tsala nonguno axine shi kibe auve aye nongu eno nongu kukau ye shipusave tsu nani.”