JOSHUA 22:5 - BAIBEL (BSI)

⁵ Muse no ahza tsukeu nongu no mutsumishei aghokulu shi alo, nongu Lhou AMPEU qhuivu alo. Pa pulou shilo, pa zahqo lulo, pa lau amikucho shilo, omlo eno ongulho kumtsu pe pa ghoshilo.”

Sumi Naga CL (Re-edited) Bible (BSI)

⁵ Nongu no shinikeu ye hi likhie, Moses no azah tsükeu kutokughoi papelo; ti ye, nongu mlo kümtsü eno angulho kümtsü pesü Ampeu nongu Alhou kimiye lo, Pa laghi lo chelo, Pa zakütsü papelo, Pa phe kevilo eno Pa huthu alo.”

JOSHUA 22:5 Iomraidhean Croise

LESHELE 106:3

Khunono pano ahza tsukeu agho kulushi peluni keno tipano kumghae, khunono pulhapuju achipiu shicheni keno tipano kumghae.

LESHELE 78:7

Hipa ghola lono shianguno athiu tiqhelimi pelo Alhou pukhu, eno pano kiu mlavea keno kumsu mavemo puzu alhokuthu pano ahza tsukeu pelupe niyeke.

IPEKULU 15:26

Pano ishi pi,”Ino khipaqo pesu achipiu kepi chenikeno tipau shikeu eno ino ahza tsukeu pelu aye ino Ijipmi shou akusu jeli sughikeu lakhimu pesu nongu ghimeqhimo nanike. Niye AMPEU nongu shipivi chekeuke.”

IPEKULU 20:6

Ikemu iqhuivulayi kemi eno iyezah gholuche kemiqo shou tiqheli qhethonhe kutolo ino qhuivulayi keu piye cheni.

IPEKULU 23:13

“Ni, AMPEU no nongu vilo pivekeu kumtsu inilo. Kutau lhouqo lau khuini kevilo; panoqo je pinamu jekukevilo.

IPEKULU 23:25

Nonguno nongu Lhou, AMPEU mlla aye ino achuqupu ngo azu pesu nongu kumghatsuni eno nowu kusukini kumtsu ikhisuwuve tsu nani.

AHOLE 4:23

Nono kishi kumsu cheni keno jukutokughoilo; okuxuye akukumsuno ghophe cheni.

ISAIAH 55:2

Kushiye kiumu aghaqimo kepu lono pisa peve cheni kya? kushiye nonguno qelukeu puwo khave keghi muzuthi cheni kya? Itsa inilo eno ino pikeu shilo, eno achuqupu kumtsu nguno akiviu pesu nonguno alopivilu nani.”

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

MATTHEW 22:37

Jisu no pa vilo pi, “Noye omlo kuchopu okuxu kumtsu, okukumsu kumtsu eno okumto kumtsu pesu Ampeu oLhou qhuivumasae.”

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

MATTHEW 6:24

“Timi khumu ampiu kini quaxemi shimlae, kughengu paye lakhiye mithive puzu lakhiu kimiye nani; lakhi qhoqhu puzu lakhiu phimo nanie. Nongu ghi titoi Alhou ngo kuakini kuma kinikujo quaxeuye shimlae.

Luke 1:74

Pano nisu Abraham lau ashoqhi lakhi shie, pano ni ghumi launo ni xachile nikeu shoqhi shie.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

John 14:15

“Nonguno ikimiye cheni aye ino ahza tsukeu pelulo.

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

Apostolmi 27:23

Itiji Alhou khikhi ino mlla cheni eno niye paw shi achekeu huno kungumi lakhi ilau puwu eno tipauno iphivilo puthughono

Rommi 1:9

Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni.

Rommi 12:9

Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Rommi 8:28

Nino ithi akeuno Alhou kimiji kiqi lono pa kimiye chekemi khunoqo kuluvea keno tipaqo lau thwokha kumtsulo akivipu ghenguno mla kuqha acheni.

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

ZAKINIU 11:1

“AMPEU nongu Lhou qhuivulo eno pulhapujulo pa yezah kumtsu pelulo.

ZAKINIU 11:13

“Tighenguno ishi tsalalo ino ahza nongu tsuakeu pelulo; AMPEU nongu Lhou qhuivulo eno nongu mlo kuchopuno pa qelo.

ZAKINIU 11:22

“Ino nongu tsu akeu yezah kumtsu amikucho shi pelulo: AMPEU nongu Lhou qhuivulo, pano ahza tsukeu thwokha shilo eno pa lau amikucho shichelo

ZAKINIU 13:4

AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

ZAKINIU 4:29

Tilau nonguno AMPEU nongu Lhou phuju nani eno nongu mlo kuchopu tsuno pa phuju aye nonguno pa phulu nani.

ZAKINIU 4:4

ikemu nongu khunoqono AMPEU nongu Lhou lau amikucho shikeno ishi tsala kutolo xuanike.

ZAKINIU 4:6

Amikucho shi tipaqo pelulo eno tishi keu lono shiayeh kutami gizulo nonguye kiutoi alokutsumi keno piyelu nani. Panonguno ayezah hipaqo kumtsu chilu kelo ishi pinani, ‘Ashiayeh kuloghi hipauye kiu lokutsu eno kiu kighithi ishi ani kela!’

ZAKINIU 4:9

Nonguno jukutokugholulo! No likhi no nhethino kiu ithuluve akeno nonguno xuake tivilo kumsumamonike mutsumishei shilo. No tianuli eno notilimi vilo

ZAKINIU 5:10

Ikemu iqhu chekemi eno iyezahqo papelu chekemi lau tiqheli qhethonhe kutolo iwu kikimiye piye chenike.

ZAKINIU 6:17

Nonguye pano ayezah nongu tsukeu kumtsu pelunike mutsuqhei shilo.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

James 2:5

Ino kimiyechekemi athikuzumiqo, hi inilo! Alhou no ayeghi hipaulo kumlhomi kisheluno akupululo kinikulu shilupeke eno pa kimiyekemiqo tsunikeushi piqhipuakeu Akukaqha hu panongu wu shilupeke kumo kesha?

JOSHUA 23:8

Tishi nike zuqhulo nonguye puzuu toi AMPEU lau amikucho shilo.

Piyeküsü 15:3

Panonguye Alhou qeu Muse sheqhekeu le eno Bheriti sheqhe keu le ishi pheae: “Ampeu, Alhou Akumtou, okumlaqo ye kije eno akumzapu ke! Ashiayeh kumtsu shou Akukau, olaghiye achipi eno kuchou ke!

SAMUEL ATUGHIU 12:20

Samuel no panongu vilo pi, “Msakevilo nonguno hitoi alhoksa kumla shivenamu AMPEU launo tsughusu wuve kevilo, ikemu nongu mlo kuchopu pesu pa huthulo.

SAMUEL ATUGHIU 12:24

Nongu mlo kuchopu pesu AMPEU gholulo eno akivishi pa qelo. Pano nongu ghenguno thime kije mlavetsu keu kumsululo.

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”