JOSHUA 2:14 - BAIBEL (BSI)

¹⁴ Timi pamano li khochile,” Nino pikeu toi shimove aye Alhou pelo nikuxu luvetsu peni. Nino kiu shi ani keno nono hipatsa khuvilomu pima aye nino ozulo tushoqhi ani, kughono AMPEU no hipa yeghi nitsuveni keno nino akivishi nongu tuchoni.”

Sumi Naga CL (Re-edited) Bible (BSI)

¹⁴ Timi pama no khochile, “Ni küxü ye no ghenguno akithi kutolomu tsüveni! Tsala nono ni vehu hipau piphe tsümo aye, kughou Ampeu no ayeghi ni u lo phesüve tsüni keno, nino akivishi eno piqhi püakeu kiqi lono nongu tucho nani.”

JOSHUA 2:14 Iomraidhean Croise

BOTHUBO 24:49

Ikehu nonguno kuchouno impeu kimiye aghi aye atsa khotsunima? Momu tishimla pimu ivilo pilo; tishimo napi aye ino hula hilamu wujunie.”

BOTHUBO 47:29

Kughou Israil no thivekepu do kupunuve keno pano Josef kupuzu pavilo pi, “Ino ogizulo olopu shilu aghi aye o-u ipukudolo beno ashoqhi shilo, noye igihu eno ilau kuchou shinikeu pilo eno Ijip lo ikumo qhokevilo,

SAMUEL AKINIU 2:5

pano timi khami hapuwuno asutsa hipau pesu piwu; “Nonguno sukumsa akukau lau akeu vechewono pa kumo shiqho tsukeu ghenguno AMPEU pelo nongu kumgha tsupeniu.

SAMUEL AKINIU 2:6

Itehi ghi AMPEU no nongu lau kupu eno pukhube kulu alupeni. Nongu kumla kivi ghenguno nighi akivishi nongu heju nani.

SAMUEL AKINIU 9:1

Ghulo lakhilo David no ishi iniju “Saul kibolomi khuala anikeo kuha kya? Tsala aghi aye, Jonathan ghenguno ino pa lau kimiyekeu piyenishi ani.”

KUKAMI ATUGHIU 20:39

Kuchono pa vechesu wucheke lono, ti tungkupuu huno pa kuno pi, “Akiqheu akijeu, niye aghushiqalo aghushi akelono ghushimi lakhino leluvekeu aghumi ilau sasu ighino pi. ‘Timi hipau khe aghilo; tsalatsa pano pove aye nono pa zuqhu shi okuxu tsuni ae, momu tsandiyi 3000 olau asu chuni ipi.’

AHOLE 14:22

Nono akivipu ghenguno mlache ghi aye kutamino ogihu eno osumsakeu qelu nani; nono alhoksa kumlaghishi aye noye shipimi anike.

AHOLE 18:24

Khami sasu shompami shikeulo kushuwa wochemo ikemu shompami khamiye athikuzumi nguno alau pukhukilelu cheni.

MATTHEW 5:7

“Kutami gholo amlo saqhiyikeu kuqhakemi kumghae, kughengu Alhou no panongu shou amlosaqhiyi tsu nani!

Apostolmi 23:22

Ike zahtsuuno pa vilo, “Ivilo hipau pithivae pikeu tsa khuu vilomu pikevilo,” ipi pi puzu apumi hu puwuve.

JOSHUA 2:13

Nonguno ipu iza, ipelimi, itsunipulimi eno panongu bolomiqo susholuni pi izulo tushoqhivelo! Ningu pithive pe kevilo.”

JOSHUA 2:15

Rahab ye aphughi liwolo shipuku pua keu kilo ache, tighenguno lino alashe lono akighi tshuqhive tsuno piqive.

JOSHUA 6:17

Aphughi eno tile akeqo jeli kuchopu pe AMPEU mllakeu kiqi lono kutsa velo. Rahab kutuqhaliu eno li kibolomi likhi qhivelo kughengu lino niwu pukujumi kusu tsuke.

JOSHUA 6:22

Tithiu Joshua no puzuu pukujumi aphughi tipaulo wukeu pama vilo pi, “Ti kutuqhaliu kilo wulo, li lau tushoqhi puakeu toi li eno libolomi saighilo.”

JOSHUA 6:25

Ikemu Joshua no Rahab kutuqhaliu eno li bolomi kuxu xaphevetsu kughengu lino pukujumi Jerikho lo puwu keu pama pe kusu tsu ke. (Lino lagha ishi kutolo Israil yeghilo ani.)

SAMUEL ATUGHIU 20:8

Ighenguno aghini hipau shitsulo nono isasu ashou kuchou shilukeu kiqi lono ino kiu opithivea keno amlolo qhi luvelo. Ikemu ikipimi shi aghi aye, nono iheqhivelo! Kushiye isasu opu pelono iheqhi pithi penike pa lau isawu anikya?”