JOSHUA 17:11 - BAIBEL (BSI)

¹¹ Isakhar ngo Asher yeghi bocholo Manase wu BethShean ngo Ibleam kuma gholo hokumxa taunqo gholo Dor, Azumkulo akeu, Endor, Tanak, Megido eno panoqo hokumxa taunqo ae.

Sumi Naga CL (Re-edited) Bible (BSI)

¹¹ Issachar ngo Asher yeghi bocho lo ghi, Manasseh ye hipaqo ae: Beth-shean eno tile aphuqo, Ibleam eno tile aphuqo, Dormi eno tile aphuqo, En-dormi eno tile aphuqo, Taanachmi eno tile aphuqo, Megiddomi eno tile aphuqo; aküthüu no Naphath.

JOSHUA 17:11 Iomraidhean Croise

SAMUEL AKINIU 21:12

pano wupuzuno Saul ngo panu Jonathan saghi ishi Jabesh-Gilead lo kuamiqo launo khuluve. (Panonguno Bath Shan ipikeu alo khile timiqo kuhokumqo chekeno tileno pukasuwo pua, tiye Filistiyamino Gilboa tolono Saul heqhike tsalani lono tishi akumo pufuqhi puake.)

KUKAMI ATUGHIU 9:15

Akukau Solomon no akumllaki shiqhinike ghenguno eno aphughi tsukinhe kipelau ayeghi shepichhi nike eno aphughi tuppi yenike ghenguno akumlami anguka lono peitha. Tinguno alaughi Hazor, Megido eno Gezer phughiqo shikithe nike ghenguno akumlami peitha.

KUKAMI AKINIU 9:27

Kiu shivekeno akukau Ahazia ye ithiveno pawu khukulu lono posu Bet Hagan phughi kudau pove, kughengu Jehu no pa hache kehu. “Pa heqhivelo!” pi Jehu no pawu timiqo ahza tsu, ikehu pano Ibleam taun phivilo Gur laghilo pawu khurkulu sasu pocheke lono panonguno pa ghuzave. Ike paye izavekemu kishiala shipuzu Megido phughi kutolo poighiluno tipa-a lono thive.

YEKIKITHI ATUGHIU 6:70

Kulolau Manasse yeghino Aner eno Bileam taun kumxalo asutsuni kivi yeghi lo ngopenike kutotsue.

YEKIKITHI ATUGHIU 7:29

Manase kughukono aphughi hipaqo qhasupe ache. Beth Shean, Taanak Megido eno Dor eno tipau kumxalo taun akeqolo qhasupe ache. A-a hipaqo kumtsu Jakob nu Josef kughukono ngo chekeu ake.

YEKIKITHI AKINIU 35:22

Ikemu Josiya no tsuyikhomo aghushini keu shive. Paye Alhou no Akukau Neko vechewo kiu piani keno tipau initsumo nikeu shi auve tighenguno paye paju kimchimla kepushi pekiliveno Megido khilalo aghukishi lo wuve.

LESHELE 83:10

Nono Endor lo panoqo shou toluveke eno panoqo phimpiye ayeghilo tsumunauveke.

JEREMIYA 49:2

Ikemu aphughi tou Raba lo akemiqo pelo aghukishi sutsa ino chilu penikeu ghuloki wocheni, ike tiye ixapinyi qhive nani eno tipaulo aphu akeqoye pitileqhive nani. Tipathiuno Israil no panoqo yeghi luvetsukemi launo pano yeghi luchileve nani.

ZEKHARIA 12:11

Tipa tsalalo Jerusalem lo mlo qakeuye Megido khilalo Hadad-rimon ghenguno mlo qakeu kuloghi paphi shi nani.

JOSHUA 11:2

Ahuu ato yeghiqha lo kukamiqo, Galil Zughi apeu Jordan khilalo kuami eno Debir zughi muku eno ato pukhu kuxalomi kukami lau puwu.

JOSHUA 16:9

Tipa gholo Manase lughi bocholo akeqo taun eno aphuqo ghi pe Efraim tsuve.

JOSHUA 17:10

Apeuno Efraim, eno Manase no ahuu eno Mediteriya Zughino kulolau pano lughi.

JOSHUA 17:16

Panonguno khochile, “Ti ato yeghiqhaye nighenguno kije kumoe, ikemu Kananmi aqa yeghilo akemiqoye ayino shikeu khurkuluqo ani, panonguye BethShan eno tipau hokumxa taun qolo eno Jezril khilaqolo akeqoke.”

XAKUTHAMI 1:27

Manase laghano aphughi BethShean, Taanak, Dor, Ibleam, Megido eno tipau kupunu holo taun akeqo lo kughuna akemi hale tsumo no Kananmi tile aghikeqo ye tishi acheuve.

XAKUTHAMI 5:19

Megido ghoki phivilo Taanak lono kukamiqo ighino aghushi; Kanan kukami ghi aghushi, ikemu panonguye tsandiyi suwuvetsu moe.

SAMUEL ATUGHIU 28:7

Tileno Saul no pa qholo kijemi ahza tsughi pi, “Tumu chekemi totimi lakhi phusawo itsulo, tishi no li launo kimchi juni.” Panonguno khochile, “Endor lo tumu chekemi lakhi ani!”

SAMUEL ATUGHIU 31:10

Tishino panonguno pa ghunanu ye suwo alhouliu Astarti chinekilo qhive, eno pa phimipiye Beth Shan phughi tozulo yeda pe qhive.

SAMUEL ATUGHIU 31:12

timi amlo kivimino putho lono ala chesusu Beth Shan lo wu. Panonguno Saul kumo eno panu kuthu kumo qo ishi atupikiye tozu lono ikhiqhiluveno xapu susu Jabes taun lo ighino amino pitive.