JOSHUA 13:16 - BAIBEL (BSI)

¹⁶ Pano yeghi bochoye Arnon khila cheku Aroer kuto eno tipau phughi khila mta eno Medaba hokumxa lo atoqa qoke.

Sumi Naga CL (Re-edited) Bible (BSI)

¹⁶ Panongu yeghi no Arnon Khila cheku Aroer eno tipau mta lo akeu mishighüna, ngo Medeba yeghi;

JOSHUA 13:16 Iomraidhean Croise

SAMUEL AKINIU 24:5

Panonguye Jordan katha susu akhila mtalo aphughi Gad lughi phivilo akeu Aroer apeu panongu ghazu shilu. Tileno panonguye Jazer ahuu iqho.

YEKIKITHI ATUGHIU 19:7

Panonguno khurkulu 32,000 eno Maaka lo akukau ghushimi piqe sasu ighi puzu Medeba kupunulo aghazu shino ngoa. Amunmi ghi panongu phughiqo lono ipe aghushinike ghenguno kutokupui pe kehae.

ISAIAH 15:4

Heshbon ngo Eleale lo kughuna akemino igha qahke eno panoqo kuqah ye Jahaz kutolo chiluke. Ghushimi ghi msakhokhoshi; panoqo mlo kumto hauve.

AKIKIHI 21:26

Heshbon ye Amarimi kukau Sihon phughitouke, akukau hipauno puzuu Muab kukau sasu aghushi no Arnon ghoki kutolo pa yeghi kumtsu leluveke.

ZAKINIU 3:12

“Kughou ninguno ayeghi pighiluve keno Arnon ghoki phivilo Aroer taun nguno aghakhu ahuu akeu eno Gilead naghuto qha aqha hami eno tipaulo aphughi akeqo pesu Ruben ngo Gad laghami ino kophetsuke.

JOSHUA 12:2

Lakhiye Amarimi kukau Sihon Heshbon lo ka a. Pa kuka phuye Gilead tuxa sukuqha, Arnon khila cheku lo Aroer lono tipa khila mtalo aphughi lono Jabok ghoki kuto eno Amun lughi kutolo a.

JOSHUA 13:15

Muse no Ruben shiyeh bolomiqo ayeghi saje lakhi panongu tsu.

JOSHUA 13:17

Tiye Heshbon eno atoqa lo aphughiqo hipaqo kumtsu sukuqha, Dibon, Bamot Bal, Bet Balmeon,

JOSHUA 13:9

Panongu yeghi qhaye Arnon khila cheku Aroer lono eno tipa phughi akhila mtalo akeu eno Medeba yeghiqha lono Dibon kuto.

JOSHUA 14:3

Muse no Jordan kipelau tipa zuuno pesu shiyeh kini eno tuxaqo lau tsuve (Josef polo kiqi huno shiyeh kini shi kijeve Manase ngo Efraim pama) tishive kemu Muse no Levi lagha ye ayeghi kikijelo panongu tsumove. Tipa zuqhulo, panongu pelo aphughi qolo ngolupe eno lhoxu pighilu pekepu luzaqha ithulupe.

JOSHUA 18:7

Tishimu Levi laghaye nongu kutami gholo saje lakhimu ithulumo nani. Kughengu panongu sajeye AMPEU chinemi shighi qenani. Eno Gad shiyeh, Ruben eno kipelau Manase shiyehqoye Jordan kipelau pano yeghi ithuluvae, tipau huye AMPEU qeu Muse no panongu tsuveke.”

XAKUTHAMI 11:26

Israilmi no hi ampe 300 kutolo Heshbon Aroer eno hikuma sukumxa lo taun akeqo ipuzu Arnon Ghoki kudau aphughi kumtsu qhasupe xu ighivae. Noye kushiye ampe 300 doloye kiu shi auveno ikhilu chilemono itehino kiu tsa pi anikya?

SAMUEL ATUGHIU 30:28

Aroer, Sifmot, Eshtemoa