JOSHUA 11:23 - BAIBEL (BSI)

²³ Joshua no ayeghi kumtsu leluve. AMPEU no Muse ahza tsuketoi Joshua no ayeghi tipaqo pe Israilmi dolo panongu wu ashiayeh kiqi lono kijevetsu. Titoi shiveno timi qoye ashi-aghu shimono ililai ngove.

Sumi Naga CL (Re-edited) Bible (BSI)

²³ Ampeu no Moses azah tsüke toi Joshua no ayeghi kümtsü leluve. Pa no ti kümtsü pesü Israelmi pelo amheghi shilu penike ashiaye kiqi lono kijeve tsü. Tishino tipa yeghi ye aghükishi lono akulho qhiluve.

JOSHUA 11:23 Iomraidhean Croise

NEHEMIA 9:24

Panonguno Kanan yeghi leluve; nono tile aghikemiqo shou tokulu shike. Nono owu timiqo pelo Kanan lo akemi ngo kukami pesu kishi peithape nishi keno shilu penike akuka tsue.

LESHELE 46:9

Ayeghiqha kumtsulo pano aghukishi lakhavetsu; pano asuzu suchhevetsu, angu pighechhevetsu eno azuto pitivetsuke.

IPEKULU 34:11

Ishi tsalalo ino ayezah nongu tsu akeu gholulo: Amarimi, Kananmi, Hatimi, Perizimi, Havimi eno Jebusimiye nonguno azuu hawo kemtsa ino haphevetsu nani.

EZEKEL 45:8

Hipau qhaye Israilmi ghakhulo kukapuu saje shilu nanike, tishianguno paye timiqo qhasu pemo niyeke ikemu aghakhuqha kutauqoye Israil lo alaghaqo sala shipenike.

ZAKINIU 1:38

Ikemu okukuphuu Nun nu Joshua mlo shikumto tsulo. Pano Israil sakipheu shino tipa yeghilo ngolu nanike.’

ZAKINIU 25:19

Tighenguno, kughou AMPEU nongu Lhou no ayeghi nongu tsuveni keno eno no ghumi nongu suhope akemi kumtsu launo nongu xapheluveni keno, thebeino Amalekmi kumtsu pithikhaveni keu ithilo, tishianguno khuu pelomu panoqo kumsulu pemonike. Hipau kumsuma kevilo!”

JOSHUA 12:7

Joshua eno pawu Israilmino Jordan kulolau yeghi Libanon khila lono Hermon naghuto kuto apeu Edom kuto kukami yeghi luve. Joshua no shiyehqo pelo panongu yeghi shiluve penike tipa yeghi kumtsu pe shiyeh dolo kijevetsu.

JOSHUA 18:10

Joshua no panongu ghenguno asaqhi pheno AMPEU vehu inijuno Israil shiyeh achili aghikeqo lakhi khi lau ayeghi kijevetsu.

JOSHUA 22:4

Itehi pano piqhiveke toi, AMPEU Alhou no nongu Israilmi lokughuno vetsuae. Tighenguno itehiye AMPEU qeu Muse no Jordan hukukuu pe nongu shiyeh tsuke alo idewolo.

JOSHUA 23:1

Ado kushuwa thiu AMPEU no Israilmi pano hokumxa ghumiqo launo pano kulhoqhitsu. Tipa ghulokilo Joshua ye ighono muchomi shive.