JOSHUA 10:13 - BAIBEL (BSI)

¹³ Tsukinhe no ngo auve eno pano shiyeh no aghumi levemoke kutolo ithamove. Tipatsa Jashar kakulo yepuani. Tsukinhe no atsutsu mtalo ngoauve eno ilovemono tsala kupuju lakhi ngove.

Sumi Naga CL (Re-edited) Bible (BSI)

¹³ Ikelo pano shiye no aghümi shou amkhülu moke kutolo khetsünhe no ngove eno aqhi no itha move. Jashar Kaku lo hi yepüani ke kumo keshea? Khetsünhe no atsütsü mta lo ngove eno ilove mono tsala kupuju ngove.

JOSHUA 10:13 Iomraidhean Croise

SAMUEL AKINIU 1:18

Juda lo timiqo pelono shika penikeu zah shitsu. (Hiye Jashar kaku lono yekutsu puani.)

KUKAMI AKINIU 20:10

Hezekiya no khochile, “Yekukhu pelono akupka chighi azuu wovepekeuye mlalei! Tighenguno akupka chighi athiu idewopelo” ipi.

ESTHER 8:13

Ayeghiqha kumtsulo yepuwu keu hu timi kumtsu lau vekulha eno Judami no pano ghumi kutsaluve nike kutoluvelopi ahza shive.

JOB 9:7

Pano tsukinhe pelo ipeghipemo velu cheni, eno ayepuqo khonhape qhive chenie.

LESHELE 148:3

Pa sheqhelo, tsukinhe ngo aqhi; pa sheqhelo, ayepu phuphuyi akeqo.

LESHELE 19:4

Ikeghi panongu sutsaye ayeghiqha kumtsulo wu cheni, eno panongu tsaye ayeghi shekha kutolo wu acheni. Alhou no atsutsulo tsukinhe ghenguno akungoki lakhi shipuani.

ISAIAH 24:23

Aqhino zumoyi kitheve nani, tsukinheno yepuvu tsumove nani, kughengu Aqokitikhi MPEU no Akukau shive nani. Pano Jerusalem lo Zion toghi lono ayehpe nani eno ayeghilo timiqo sakiphemino pa kimthe jukuvu ithulu nani.

ISAIAH 38:8

Akukau Ahaz no akala mulape puakeulo AMPEU no yekukhu pelo kupka chighi idewope nani.” Ike yekukhuno kupka chighi athiu idewo.

JOYIL 2:10

Tipaqono hakutsutsu ighikelo ayeghino ithake; atsutsuno khokhoshike. Tsukinhe ngo aqhino zumoive eno ayepuqono yepuvumove.

JOYIL 2:31

AMPEU tsala akuighupu tsala kije ighinike zulo, tsukinheno zumoive nani, aqhino aji toi huchuive nani.

JOYIL 3:15

Tsukinhe ngo aqhiye zumoive, eno ayepuqoye yepuvumove nani.

HABAKUK 3:11

Opiji kumtsuno kulo phapha shi keulo eno ongu tsulompuyi yebide keulo, tsukinhe ngo aqhino inaqhoi ngove.

AKIKIHI 21:14

Tighenguno AMPEU wu Aghukishi Kaku lo ishi pi puanike “Sufa qhalo Waheb taun eno akhila qo; Arnon ghoki;

AKIKIHI 31:2

“Mediyami ghimeqhilo, kughengu panonguno Israilmi shou akumou shike. Nono tipau shike thiuno noye thilu nanike.”

MATTHEW 24:29

“Atsala tipaqolo aghime kitikhi shive kemtsa tsukinheno zumoyive nani, aqhino vuqayi move nani, ayepuqono atsutsu lono ikiqive nani eno atsutsulo akuka jeli akeqo sukiniqhi nani.

MATTHEW 5:45

tishianguno nonguye nongu paPuh kungughalo akeu nuliqo shilu nani. Kughengu pano pawu tsukinhe pelo alhoksami ngo akivimi shou aphiphi shi tsunipe cheni.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

Apostolmi 2:20

Tsukinhe no zumoive nani, aqhino ajhi toi huchuyive nani, ti Ampeu tsala shishe kije eno akimthe-jukuvu ighi nike zulo.

JOSHUA 10:11

Amarimi no Israilmi zulo posu naghuto lalo pochekelo AMPEU no murasu kuloghi Azeka laghi kutolo ghuqhipuku. Israilmino heqhivetsu keu nguno akichiu no murasuno veqhive.

JOSHUA 10:14

AMPEU no timi lhoxu gho lukeu puzuu pina momu ishikutolo pinamu tsala lakhimu hitoi keu shimphie. AMPEU no Israil kudau suno aghu shie!

Piyeküsü 21:23

Aphughi tipau yepuvu nike ghenguno tsukinhe momu aqhi kuvu avehupu shimoe kughengu Alhou wu akimthe jukuvuno tipau yepuvu ake, eno Bheriti huno tipau kuluboke.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”

Piyeküsü 6:12

Kughono Bheritino mekhakeu akutsughou suphono lhaphe keno, ino jukelauye ayeghi shishe ilu ighi, eno zumoive, eno aqhiye ahji toi huchuhuyive.

Piyeküsü 8:12

Kungumi abidiuno pa fuko kuyigha, kelo tsukinhe kikije kuthulo lakhiye ghaphove, aqhi ngo ayepuqo ghi kikije kuthulo lakhiye ghaphove, ikehu tipau kuvu ghi saje kuthulo lakhiye kuhave; atsala kikije akuthuu loye eno putho kikije akuthuu loye akuvu kuhave.

XAKUTHAMI 16:28

Tileno Samson no inikhu, “Akughushu MPEU, kishima ikumsululo; kishima Alhou, thosu kuka ghuthu lakhi itsulo, tishi anguno Filistiyami no inhethi lejoluve tsukeu ghuthukhave lono amkhu kulupu shilupelo.”

XAKUTHAMI 5:2

AMPEU sheqhelo! Israilmi ye aghushinike pulo kuqha luke; Timiqono alokivishi akutoshino wunikeu shilue.