JOSHUA 1:9 - BAIBEL (BSI)

⁹ Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

Sumi Naga CL (Re-edited) Bible (BSI)

⁹ Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

JOSHUA 1:9 Iomraidhean Croise

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

BOTHUBO 39:2

AMPEU no Josef gholo ae eno paye phuyi thayikemi. Paye pa mipeu Ijipmi nokilo ache.

BOTHUBO 39:3

AMPEU no Josef gholo akeu pa mipeu no ithulue eno pano mlakeu kumtsulo AMPEU no pa pelo heshekulu shilupe.

SAMUEL AKINIU 13:28

eno pano pa qemi vilo hitoi mijepua: “Amnon no ighono shomzu akeu jukuto pualo eno ino kughono ahza tsuni keno tileno pa ghiqhivelo. Khilemu msakevilo. Amlo kuloghi shilo kumu avehu izu akevilo!”

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

YEKIKITHI AKINIU 15:7

Ikemu nonguye akumto shilulo eno aghuthisu kevilo. Nonguno kiu kumla shini keno tiye asaxu tsunani ke.”

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 43:1

Israil, AMPEU oLhokeuno pi ani, “Msakevilo, ino oxalu nani. Ino aje kuughi okuluvae, noye iwuke.

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

ISAIAH 8:12

“Timi hipaqono tuqhou kuchughukeu ipichekeulo khilemu sukepu kumoe eno panonguno musa ighuchekeu musa ighu ke vilo.

DANIEL 10:19

Pano pi, “Alhou ye okimiye acheni, tighenguno kiu nomu omulo ghime pekevi momu oshi kumsape kevilo.” Pano kughono hi pikeno, niye muto kithe ighi eno ino pi, “Akijeu, kiu ivilo pikepu anikeno pilo. Nono ishikumto kitheve tsuake.”

HAGAYI 2:4

Ikemu nongu gholo khuumu itehiye aghuthi suve kevilo. Akumla shilo kughengu ino nongu sasu anike.

HAGAYI 2:5

Nonguno Ijip lono ipeghikelo niye pulhapuju nongu sasu anani kepi tushoqhike. Niye nongu sasu aphike ghenguno musa kevilo.

Apostolmi 4:19

Ikemu pamano panoqo khochile, “Nongu gholukepu keo Alhou gholu kepu keno khikhiuno Alhou zulo achipiu keno nongu likhi nonguno kughathaju alo.

ZAKINIU 20:1

“Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 31:28

Nongu alaghalo sakiphemi ngo kijemi igi zulo kuhokumqolo, tishianguno ino hipaqo pesu pano vilo pitsunike; pano shou thopi shipenike ino kumgugha ngo ayeghi kusu anike.

JOSHUA 1:10

Tipathiu Joshua no sakiphemi vilo ahza tsu.”Apusho mtalo ilolo eno timiqo vilo achuqupu pulopi ahza tsulo, kughengu nonguye atsala kuthu dolo Jordan veche wuno AMPEU Alhou no tsukeu yeghi hu lulu niae.”

JOSHUA 1:17

Muse gho luche ketoi nino alhokuthu ogho lunie eno oLhou pelo Muse gholo acheke toi ogholo apeniu.

JOSHUA 1:18

Khuno oyezah kutsu ghechileni keno eno oyezah lakhimu lumo nikeno pithiveni. Mtotoilo eno amlo kuloghilo.”

JOSHUA 10:25

Tithiu Joshua no kijemi vilo pi, “Msakevilo momu amlo tulalo kevilo ikemu amlo kuloghilo kughengu AMPEU no nongu ghumi kumtsu shou titoi shiniye anie.”

JOSHUA 10:8

AMPEU no Joshua vilo pi, “Panongu msakevilo. Ino opelo luvea peke. Milakhimu ozulo puthugho lumo nani.”

JOSHUA 3:7

AMPEU no Joshua vilo pi, “Ino ishi kiu mlanikeno tino Israilmi kumtsuno okughape kijemi lakhi shi ogihu sumsa thuniae eno ino Muse gholo acheke toi ogholo anipi ithive nani.

JOSHUA 6:27

Tighenguno AMPEU ye Joshua gholo ae eno pa jekipi no ayeghiqha kumtsulo kulhave.

JOSHUA 8:1

AMPEU no Joshua vilo pi,” Ghushimi kumtsu ogholo sasu Ai kutolo wulo. Msakevilo momu amlo loti kevilo. Ino opelo Ai lo akukau shou tokulu shipeni, pawu timi, pa phughi eno pa yeghiye owu shive nani.

XAKUTHAMI 6:14

Tishike lono AMPEU no ahza pa tsu, “Okumto kije pesu wuno Midiyami ulono Israilmi xaphelulo. Ino ikutoshino oha puwu anie.”

SAMUEL ATUGHIU 10:7

Kughouno hipaqo sholu nikeno, Alhou no omijesutsu keu kiqi lono kiu kiumu shilo.